لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها

"٩"

صحت سلطانه على إزعاج جوال فهده ووقفت توضي وتصلي ثم اخذت جوالها ونزلت تحت وشافت الجادل تتقهوى :ماشاءالله من متى صاحيه
لفت الجادل:من ربع ساعه
فتحت جوالها تشوف الساعه كم وللاحظت إشعارات من سيف ودخلت محادثته عقدت حواجبها باستغراب لكن طاحت عينها على رسالته اللي قبل
(ام فروه طلعت معنا) بدت تركز وهي تشوف رسايله الباقي وارسلت (صحيت تعالي فهمني وش سالفتك) وهي متوقعه انه شايف احد ثاني ومستبعده الجادل!
قاطعها دخول البندري ووجها الغريب وقعدت وهي تصب لنفسها قهوه بدون ماتتكلم!
الجادل بخفوت:شفيتس صاير شي؟
البندري باستهزاء :تدرون من اللي زوجني؟ مب ابوي ولا نيّاف ولا الشيخ بس
رفعت راسها :اللي يقالها أمي معطيتهم بطاقتي!
ناظروها بصدمه وهي كملت: تخيلوا امي هي اللي صرفتني اسوي قهوه وشاهي وهي تقول عندنا ضيوف وراحت تسرقها من شنطتي!
سلطانه:يمكن ابوتس جابرها
البندري بغضب:ماكان فالبيت الا انا وهي المفروض وقفت معي مب ضدي وش بيهددها فيه يعني عيالها في وظايفهم وصالح رايح بسيارته وهي حياتها طبيعيه؟؟ما لها عذر والله عجزت احصل لها!
الجادل بحزن:طيب استهدي بالله اهم ماعليتس بدر ومسلط وصالح وخلاص بيصير اللي تبينه وبكره اخر اختبار وبترجعين مع اخوانتس لحياتس الطبيعية
البندري :اي حياه وش عقب يوم خربوا علي! الحين لاقادره ابعد ولا اجلس مدري وش بقرر بحياتي ! تعبوا بدر معي مُجرد ناس خربوا طريقي ومشوا واولهم نيّاف! واذا رجعت مابي بيتنا مابي اشوف وجه وعقاب وحرمته!!
سلطانه :خلاص هدي برجع معتس انا وبتجلسين عندنا
الجادل بسرعه :او عند امي ومنها تونسينها
وعشان تغير جوها ابتسمت :تقول ميمو ان طلعاتي صارت قليله يوم البندري عندي
ابتسمت لها البندري وهي ترجع تتقهوى بهدوء .

(فالمركز)
جالس بغضب ويستمع لهم وهو بباله البندري وغضبها وللحين ماترد عليه !
فواز: يعني الجمعه نحرك؟
علوش :ليش مانقول لبدر ومسلط اول شي ومعه سيف وهادي وفهاد ؟
فواز :بيرفضون التحليل وبيمنعونا
نيّاف ارخى نفسه وهو يفكر بفكره ثانيه..

(الساعه 9 مساءًا)
وقف سيف عند الباب وطلعت له سلطانه..
توجه للكوفي القريب ووقف ونزلوا وطلب قهوتهم وهو يشد على جاكيته من البرد و يتنهد
سلطانه بتعجب:شفيك متضايق!!
وبنظرة دقته بخفه على يده:اول شي وش علم رسايلك ما انتبهت لها تو اللاحظ فروه وعيونها ومدري وشو اخلص انطق!!!
سيف ناظر فيها وبحزن :هي الجادل صح
عقدت حواجبها وكمل من شافها ماردت:اللي لابسه الفروه؟
سلطانه بعدم فهم..:قول وش سالفة الرسايل لان هالموضوع قفلته معك من زمان صدقت ولا ماصدقت الشي هذا راجع لك
سيف تأفف :طيب انا الحين مصدق انها هي عشان كذا مناديتس
سلطانه:ماشاءالله اخ سيف كيف تأكدت ؟
سيف بعصبيه:تأكدت وبس
سلطانه :سؤال ليش معصب علي
سيف :لانتس جالسه تنرفزيني
سلطانه:والله قول مب متقبل الموضوع لاتحطها فيني لان لو درت هي..
قاطعها وهو يقول بصوت عالي :ابي ارجع لها!
سلطانه:؟!!!
سيف:إيه مب كلكم تبون يلا برجع لها
سلطانه ضحكت بتعجب وقهر :عشانها نفسها تبيها وقبل لا ماتبي؟؟
سيف:ماعلينا من الاسباب انا قررت ارجع لها ومحد بيقدر يساعدني غيرتس!
سلطانه ريحت ظهرها ورجعت ورى: قول غيرها بس
سيف :سلطانه!
سلطانه: ماني فاضيه لواحد تفكيره غبي يوم اترجاك ترجع لها قبل كنت اشوف انها جميله وبتعجبك وكل سنه ازعجك بس ماتسمعني وحاط ببالك اني اقولها كذا عشانها صديقتي!!مستحيل اني اضحي فيك وفي مستقبلك عشان نفسي ولا عشان احد ثاني وش هالغباء اللي فيك ويكون بعلمك ان امي وابوي انانيين فيها وخصوصا امي لانها شافتها من كبرت وكل جمعة حريم تذكرهم انها بترجع لك واي خطبه تصير تعترض هي قبل الجادل وامها متخيل حركاتك وحركات اهلك انا بطلع منها وش هالظلم الدنيا مب على مزاجك انت وامك وابوك
سيف تجاهل كل كلامها :انخطبت متى؟
سلطانه ضحكت باستهزاء :اسبوعيًا تنخطب وانا اختك
وجلست تتذكر:تعرف الديره اللي جنبنا اغلب حريمها بالزواجات قد خطبوها! شفت الحاره اللي ورانا علي وخويه محمد بالصدفه قرروا يخطبون واهاليهم قرروا عليها ودروا مع بعض وتهاوشوا والسبب هي يعني يكون بعلمك ان الدنيا ماتوقف عليك وهي مادرت عنك و٩٠٪؜ بترفضك لاتفكر ياسيف! ابدا
داهمته الذكرى لجملة مقرن قبل يوم كان يقنعه يرجع لها "وانا يابوك اقول ان البنت كل مانخطبت قالوا سيف بيرجع لها"
وتذكر ابوه يوم يزن عليه وانها بتروح من يده !!
تنهد وهو ياخذ قهوته وطلع ولحقته سلطانه بحزن عليه من سكت وما اخذ واعطى معها واجد وهذا ان دل دل على انه ماكله الندم عليها!