لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها

" النهايــة "

مرت أيـامهم بحلوها ومرهـا ومرت سنتيـن بلحظـه بعيونهم من سعادتهم واستقرارهم بدايةً من البندري ونيّاف اللي لازالوا على نفس وضعهم وحبهم وحياتهم الحلوة بالاضافه الى حمل البندري ، وسلطانه وعبداللطيف اللي زاد طفل اخر وصار عندهم طلال و ضيّ ، وفهده وعلوش رزقهم الله بـ محمد ، و ورد وبدر اللي باقي حامل بطفلهم وباواخر شهورها ، والجادل وسيف ببنتهم "ترف" ، وميهاف وزايد بولدهم الوليد..

أما من ناحية حِصه ومسلط تزوجوا قبل سنه وحِصه دخلت جامعة الاميرة نوره بتخصص "الامن السيبراني" وعانت كثيير فيه رغم جمال التخصص بس عند حِصه غييير لازم كل شي دراما وعصبيه ! ومحد عارف لها صح الا مسلط اللي يحاول يراضيها رغم انها كثيير عصبيه وتبكي !

أما بالنسبة لفهاد بعد موافقة هنايّ بلغ امه ومرت عليهم اطول خطبه بسبب وفاة جدته ثم جده وكان كل مره يتأجل بسبب منه او من طرف هناي لين واخيراً قبل شهور قليله تزوجوا ولسان حال فهاد رغم سنواتهم ونظراتهم وحبهم الصامت اللي يقول :
" هنا ننهي مسيرة ماضي أيامي معَ ماضيك
‏رغم لذّة بدايتها جعل ماهيب مخلوفه
‏شواهدها عن دروب الردى والعيب والتشكيك
‏سلومٍ خلت أنفسنا عن الزلات مصروفه "

" انقضت السنـه الرابعه واليوم حفل تخرج البنات بجامعتهم "

البندري بالشهر الرابع ونازله مع الدرج بعز كشختها وبيدها كعبها
نيّاف اللي متربع ويتقهوى فسخ نظارته : انتي وش بيدتس!
البندري :تكفى نيّاف ترا متضايقه وكلهم هاوشوني لاتجي انت بعد
نيّاف تنهد ووقف وكملت تقاطعه :لا تنصح لاتنصح ! صامله بقراري
نيّاف بقهر :طيب انتي طويله
البندري :طيب الوحم؟
نيّاف : ماله شغل ماتوحمتي عليه الا اليوم
مشى طالع لفوق ورجع يرفع نصف عباية تخرجها :وريني فستانتس
ابتسم يشوف بطنها اللي برز شوي حط يده عليه :ياعييين أبوك كنت بتروح الليله
كتمت ضحكتها قبل ابتسامتها :يعني انا حيوانه ماعندي احساس وبموته
نيّاف تنهد وهي شخصيتها من بداية حملها تغيرت :اكيد لا بس احتياط ماتطيحين وبعدين فكري بصحتس قبله هو
ابتعدت تروح للمرايه تعدل شكلها وهو ابتسم وطلع فوق يدور من سليبراتها لون يناسب فستانها وعباية تخرجها ..

" بيت الجادل وسيف "
ابتسم يصفر من طلعت وبحضنه ترف : شوفي شوفي امتس بس
ابتسمت الجادل : يلا تأخرنا
سيف :والله يالجادل حتى الغزل تصرفينه مستحيل تتغيرين
الجادل :سيف كم لنا سنه نتهاوش على الموضوع هذا انا استحي اكيد
سيف : يلا بمشيها لتس عشان تخرجتس
الجادل :دايما تمشيها لي بس بعد ايش
سيف : حلو حصلت شي ازعل عليه اليوم!
الجادل لفت بتصديق : اليوم حفلتي حرام عليك اجلها
ضحك وهو يبوس بنته ولحقته تسحب عبايتها بيدها : كريه تهددني بزعلك
سيف :اختبر غلاي بين كل فتره
الجادل :وانا متى اختبره؟
سيف :اختبرتيه قبل نتزوج وبعد ماتزوجنا ماقصرتي!
الجادل :دايما تحسسني اني نفسيه وزعول ومقصره معك
سيف :بس انتس حلوه والحلو جميع اخطاءه تُغفر
الجادل :ماتحبني لذاتي!
سيف : اللي عرف مثلك خذا فـ العمر شطر من النعيم
‏لامن روى من حوضها يغفى شوي بروضها
جاد الزمان بوصلك وكان الزمن جداً كريم
‏أنا من الناس اللي ماتقدر تذم حظوظها
الجادل :ايه اذا حجرت لك رقعت باطرف قصيده ببالك
سيف : ومن قال اني اكره شخصيتس ؟ تعجبيني بكل شي وحتى اسوء صفه فيتس اللي هي العناد هي نفسها اكثر صفه تعجبني يعجبني عنادتس وكبرياءتس!
وركب السياره وهو يكمل :استمري فيها بس مب علي
الجادل : هههههههههههه بشوف
تنهد :الله يكون بعون اللي بيتزوجتس ياترف !
الجادل :واايييي محظوظ والله
سيف :هو بيعشقها بس بتعانده لين ترجع بيت ابوها
الجادل :ماشفتك رجعتني هههههههههههه
سيف :مب كل الناس سيف