لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها

"١٦"

أنتي نصر من صابه الإحباط
‏يا سلطة ٍ ما فوقها سلطه

وقف بدر عند مدخل الديرة ونزلت البندري بإبتسامه وفرح هالمره غير تنتظر قروب المصحه اللي بالقوه اجبرتهم يجون ، وقف الباص وبدر بصوت عالي :ادخلي لايشوفتس عمر
البندري :مايدقق ترا!
بدر :لا بيدقق امشي!
البندري تأففت وركبت وحرك بدر والمصحه وراه نزلوا ببيت مزنه وعمر والسواق راحوا لبيت عقاب ، مشى نيّاف معه ثوبه وعلقه بسيارته وهو يشوفهم داخلين ورفع حواجبه بضحكه بعد ماطلع بدر وهو يجيب أغراض من السيارة :عقاب لو يدري وش صار من بعده بينهبل
بدر :ترا مب مرضيني بس باين عليهم متربين وعمر كفو والنعم فيه
نيّاف :دام البندري فالموضوع ازهلها لايجي ببالك ذرة شك حتى
ابتسم بدر أبتسامة طويله :اييه زيين خلتك ترضى غصب
حك ذقنه نيّاف ببتسامة :جو بيتنا مليون مره خلها على ربك ! بس لو مب راضي صدقني بقدر أقنعها
بدر : كثر منها
.
.
"بيت مزنه"
البندري جايبه الهير ستايلست وميكب ارتيست معها من الرياض وسلطانه لها يومين مستقره عند مزنه والجادل طالعه تجيب الأكل اللي طلبته من المطعم فتحت الباب واخذت طلبها وهي تلمح سيف طالع من بيتهم ويكلم صدت وهي تسكر الباب وترجع للبنات وتوزع الآكل حولهم
فهده :حلا شرايتس بالديره وفيها مطر مالتس عذر تنتقدينها
حلا :صج هالمره مسكته بس غثني هادي
الجادل طيرت عيونها :تعرفين هادي!
حلا :شعبالج
حصه :هذي تعرف الديره اكثر منا
حلا :لا أعرف القريبين من البندري
البندري وهي تشرب بيبسي :وش صار مع هادي
حلا :مب راضي بجيتنا خنت حيلي ماسألناه حسافه
بسمه ضحكت :بس جميل
البندري :بقول لنياف يضبطكم
بسمه :لا مايناسبني مب جوي
غاليه :انا كل عيالكم جوي ضبطوني بس
البندري :انتي بالذات بحنطتس!
ولفت على حلا :حلاوه تتزوجه احس يناسبج مع كثرت مواقفكم
حلا وهي تقلد صوتها :يناسبج!
ديما :منجد يناسبون بعض
حلا بعبط :هادي حيل هادي مايناسبني!
البندري غمزت :عصبي وينقد نفسج
حلا :تبين افقع عيونج يعني؟ قلت فصلي لنا واحد نفس بدر للمصحه كلهم
ديما : راح علينا بتعطيه أختها ماكذبو يوم قالوا الصديق غدار!
حلا :ضبطت اختها وابلشتني بهادي ما اسامحج يالعوبه
البندري وقفت تغسل :اقول قوموا تعدلوا ينتظرونكم وراهم سفر وترا بعد المغرب بنروح
جبله :بعد المغرب!
البندري :ايه يجوون بدري بعدين انا اخت العريس لازم اجي بدري وباخذكم معي واهلي هناك والبنات
البندري شافتهم هدوءهم وماينلامون ماتعودوا يروحون بدري تنهدت :بنات يلا كملوا الدور
المها :ناكل طيب
البندري :اللي خلصت تجي تبدأ تسوي ميكبها وشعرها ترا بيروحون للفندق مع سلطانه! يضبطونها هناك ودوروا احد يسوي لكم
فهده راحت تغسل :خلاص انا انا بس بتوضى أصبري
بدو يتجهزون كلهم وبقى بس سلطانه والبندري اللي وداهم صالح للفندق وبدت تتجهز سلطانه.. والبقيه اتجهوا للقاعه

البندري وهي توصي الخدامه ترتب وتناظر بميكبها :المصورة ليش تأخرت
سلطانه بخوف :البندري لاتروحين بدري
البندري :بتجي منيره عندتس لاتخافين وانا بجي واصور معكم
.
.
عند العيال كانوا كلهم يستقبلون من العصر والاغلب جاي من طرف اهل سيف ، زايد وقف جنبهم وهو يستقبل معهم وكان طول الوقت معهم بكل شي لدرجة كرف كرف وماحس بنفسه من الوناسه معهم ، المباخر والعود وريحة القهوه والجمر والفرقه والسيوف ومع المطر وكثرت الضيوف ترك بقلب طلال وعياله واصدقائهم بصمه وانشرحت صدورهم وكان تغيير جمييل بالنسبه لهم والكل كان بهاليوم مبسوط .
عبداللطيف بهمس :نيّاف
نيّاف لف وهو يعدل شماغ عبداللطيف :أسلم
عبداللطيف :متى زفتي
نيّاف وهو منشغل :على حسب
عبداللطيف :عندكم متى
نيّاف :أحيانا ينشغل العريس ويدخل ١٢ وأحيانًا ١٠ وأحيانا ١ يعني على حسب عبداللطيف اذا فاضي ولا لا
عبداللطيف :فاضي انا طيب
نيّاف بضحكه :طيب شرايك ندخلك الحين
عبداللطيف بقلق :لاتطقطق متى ماحسيت خلصنا قولي وبطلع
نيّاف ضحك اكثر وهو يتجه للعيال اللي من ظهر احتفالاتهم ماوقفت
.
.
قاعة الحريم 📍.
كانوا حاطين استقبال وقهوجيات وأنواع الهدايا والتوزيعات وملبسين القاعه باللون البيج وطاولاتها برضو ومكس للون فضي وحاطين اغنية ترحيبيه بأسمهم وزينه بكل مكان لدرجة اهالي الديره متغيره عليهم شكل القاعه !!!
دخلوا على شوي شوي لين اكتمل الحضور وبنات الديره وبنات العايله والمصحه كأنهم اهل العريس من قوة تكاتفهم وهالشي سبب بقلب سميره غيّره هي وغيرها
بداء اذان العشاء وقفلوا الاغاني وهم يضيفونهم وبعد انتهاء الصلاة بدو يشغلون ويرقصون
.
كذلك عند الرجال اللي من الظهر يرقصون لكن الحين الحضور اكثر والصف كبر وبدو يعرضون وأول ثنين عرضو طلال ونيّاف وهم يرددون مع بدر اللي وقف بالنص وحوله الفرقه ويطبلون وبصوته الجهوري وحولهم سيف اللي بيده البيرق "العلم" وواقف مع العارضين بسيوفهم ...
"انهض الجنحان قم لا تونّى
‏بننكِّلهم دروس وعجايب
‏كان ما نجهل على اللي جهلنا
‏ما سكنا الدار يوم الجلايب
‏دام طلال يزهم الكل منا
‏فازعينٍ كل صبيٍ وشايب
‏لي مشى البيرق فزيزومه إنّا
‏حن هل العادات واهل الحرايب
‏ديرة الإسلام حامينها إنّا
‏قاهرينٍ دونها كل شارب"