"الاستراحـة"
فواز :وكيف عرفوا الناس!
مسلط :بدرن سابق انذار امي سربت الاخبار
بدر :قايل لك اصبر! لاتقول شي
فواز :الحين هي تدري انك بتخطبها
هز راسه باحباط وكمل فواز: بس تعتبر خطبه
فهاد :خطبه عن بُعد
هادي :هههههههه
بدر بصوت خفيف لفهاد:العجوز نوره قالت عقبال فهاد وسميره
فهاد بغيض :الله يكتمك انت وهي
بدر :محد قال اسكت وتغاضى
فهاد :بخطب غيرها وعيونها تشوف
بدر :ياويلك من ربي
فهاد :خطبتها ؟
بدر :بس العلوم اللي تجيها
فهاد تنهد بعصبيه :تفسرها نوره واللي معها
"بيت سيف والجادل"
فارشين قدام الباب ويتقهون شاهي تحت فرحتهم ببعض وارتياح الجادل باللي صار! وتحت سواليف يقودها سيف ومواضيع تفتحها الجادل تصرف خجلها وتبيّن انها طبيعيه وماتتأثر من اي شي!
وقفت بتوتر تناظر كيف فزت عيونه تسألها وين بتروح ، ابتسمت بتوتر :بروح انام
سيف وقف بتسرع:بتنامين وين
الجادل بلعت ريقها :بصلي وبنام خربت نظامي ووراي بكره دوام
فهم تصريفتها وهز راسه :اجل انا بكمل لين اطلع افطر تبين تروحين معي؟
الجادل ارتاحت انه مشى الموضوع ولا ضغط عليها وهزت راسها ترفض :بالعافية عليك
سيف جلس :يعافيتس
راحت بتوتر فوق وهو تحطم شوي بس لكن محد بيوقف فرحته قبل ساعات معها! وهذي خطوه كبيره صارت بحياتهم
بعد اسابيع الصباح ، صحت البندري على ضحكت نيّاف وازعاجه : سلطانه جابت ولد
ابتسمت من ضحكته وكمل :بطلع مع بدر اخلصي اوديتس لهم
البندري :عرفنا ليش مستانس
نيّاف ضحك بخفه :ايه اضحك على اخوتس الدلخ حاجز الشرقية شهر عسل
البندري ضحكت وهي تحاول تصحصح :امها عندها؟
نيّاف :شدراني قومي استعجلي
البندري :بجيها بعدين
نيّاف :تبين السواق بس خوتي لا
البندري :ترا ورانا هديه كذا ولا كذا بتتأخر معي الافضل انام
واصحصح واعرف اختار
نيّاف سحب شماغه :على راحتتس انا طالع
رجعت تنام البندري وهي هلكانه امس الجادل سهرت عندها لين الصباح ولاتنسى كيف فرحت لهم وهي مبسوطه كيف نجحت فكرتها وكيف قهرت الجادل انها تدري متقبله سيف من اول بس كانت تكابر والجادل لازالت عند موقفها "انها ماكانت تحبه من اول بس بعد الزواج بدت تتعود عليه وتتقبله وهذا الشي الوحيد الصحيح بالجادل"!
طلع بدر يعلق ثيابه بسيارته ويتوجه لبيته ينزلهم فيه وبعد ما انتهى طلع من غرفته وهو يناظر البيت كيف متكامل وشكله حلو وبذوق البندري طبعًا ابتسم بحُب لاخته اللي ساندته ولا تركتهم للحظه وجاء في باله يشتري هديه لها وهو رايح لهم !
احتار ومر ياخذ ورد وقال لصاحب المحل يحط اي كلام يعبر عن حبه وشكره لها ويسعدها مثل ماتسعدهم! انتهى ومر محل مجوهرات سابقًا اخذ البندري له ايام ملكته واخذ لها منه ومشى مستعجل وهو منتبه لمكالمات نيّاف !
حرك وبغضون نصف ساعه وصل لبيت نيّاف والغيوم وبدايات البرد تحسسهم بسعاده ، نيّاف عقد حواجبه من شافه نزل وبيده كيس هديه فخم وورد :زواجك مب الحين استعجلت
بدر ضحك بخفه :البندري فيه؟
نيّاف استند على سيارته :ان شاءالله جايبها عشان البندري ماتتعب وتدور لسلطانه هديه!!!
بدر زادت ضحكته :لا لها خاصه
نيّاف رفع حاجبه مبتسم : لا خلك صادق وفهمني تأخيرك ومناسبة هديتك
بدر ابتسم اكثر وكتم ابتسامته يرد بجديه تقهر نيّاف زياده:افهم تصرفاتك بس ترا ما لك شغل بين الاخوان
نيّاف رفع صوته :اختكم المتبناه!
بدر مشى داخل :الموتبناه!
نيّاف :هههههههههه ياخي عيال عقاب مشكلة مدري متى بتفهمون
بدر سفهه يمنع ضحكته لين دخل وعرف انها نايمه واعطاها الخدامه تحطها عند راسها لين تصحى وتشوفها.
أنت تقرأ
لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها
Romanceثاني روايه للكاتبة " رِهام ال سلطان " لا نستبيح الاقتباس او النقل وحفاظًا على حساباتكم من البلاغ وانتهاك حقوق الملكية الفكريه لدى الكاتب حساب الكاتبه انستا : @twqxz_ تويتر : @rsaieu
