نرجع لورى "قبـل عدة أيام".
دخلت البيت بذهول وخوف وهي تتجاهل نداء سلطانه اللي تفسخ عبايتها وتناقشها عن الغداء طلعت لغرفتها وهي تدخل بسرعه وتغسل وجهها بعد رعب الموقف اللي حصل لها مع سيف!!!
بعد ساعه من حست ان نبضات قلبها هدت طلعت جوالها وهي تبي تكلم البندري لكن شافت مكالمة امها :هلا يمه
مزنه: لي ساعه ادق ماتردين!
الجادل :انشغلت فالمطبخ مع البنات اييه شعلومتس!
مزنه:اتركي علومي تراي رديت نايف مادخل مزاجي
رفعت حواجبها من حركات أمها الواضحه وبتمثيل وهي راضيه عن القرار: يمه ليش وش شايفه عليه انتي كنا موافقين وش صار؟
مزنه :انتي اللي بس موافقه ماعجبني يدخن !
الجادل تنهدت :ايه طيب مب لازم اعرس الا لين أتخرج
مزنه:احسن شي
الجادل مسكت ضحكتها :طيب مع السلامة
مزنه بتأنيب ضمير:انتي تبينه؟
الجادل:وش بينفع كلامتس الحين
مزنه: عادي بدق عليهم
الجادل رحمتها وبهدوء :تمام يُمه عادي مايهمني بس وافقت عشان اريحتس ومافرقت معي يعني
مزنه :صادقه؟
الجادل:اكيد
مزنه:زين يلا مع السلامة
-
-
(عند سيف من بعد الموقف نزلهم وراح عند العيال)
دخل وشاف علوش طالع وباقي بس فواز ونيّاف..
جلس بهدوء وفواز ناظره بسرعه :ها وش سويت مع ان متأكد ماسويت شي
سيف: الا كلمتها
فواز :بشر؟
سيف:لاتمون مانيب قايل لك
فواز رفع حواجبه :شككتني فيكم الحين
سيف رمى المخده عليه :تحسبنا نفسكم نمون
نيّاف بعد ثواني وبهدوء وقف وراح لسيارته ومثل ماتوقع لحقه سيف بعد دقايق من خروجه ,تنفس بارتياح : حمدلله انك مارحت
نيّاف ببتسامة :عشان كذا طلعت قول وش هببت
سيف بزعل :تشجعت وكلمتها ومثل ماقلت انت طلع صح
نيّاف تنهد:طيب كيف بررت ترا اعرفها بنت مزنه عنيدة
سيف رفع حواجبه بغيّره: بالله من متى تعرفها
نيّاف بعبط :عندي اللي اطلق منها ريّح
سيف تنهد بفشله:يعني رفعت صوتي وانا ابرر وبكت
نيّاف رفع حواجبه :تستهبل
سيف حك جبهته :بغيت اوقف واضمها بس قلت مابي اوقف ويوقف قلبها معها
نيّاف بضحكـة:ماشاءالله!
سيف بتفكير وزعل:تخيل شفتها ترجف
نيّاف طيّر عيونه:شفتها بعد ياللي ماتستحي !!
سيف تأفف:بالصدفه شفيك انت
نيّاف :بس بكت ماكلمتك؟
سيف:الا ردت علي مرتين مدري ثلاث
نيّاف :اسحب منك الكلام يعني
سيف:قلت ماتبيني او ماتبين الزواج قالت كلها
نيّاف :تبي تقهرك يعني مب من قلبها
سيف تنهدت:مدري
نيّاف غمز : رفضوا نايف!
سيف فز :صدق!
نيّاف :ايه مزنه قالت لي مانبيه قايلك مزنه ماتبي الغريب
سيف:اخييه ليت تأخرت شوي ابي أشوف الجادل بترجعه او لا
نيّاف :كيف يعني كلها واحد ترا بالنهاية لو تبيه مستحيل ترجعها مزنه
سيف عض على شفايفه متوهق من ردة فعل نيّاف : لايعني انا قلت لها لاتوافقين يا انا يا بدون زواج مره وحده
نيّاف ناظره بتعمق وبابتسامه واسعه :سيف تمزح
سيف :والله ماكذبت بحرف
نيّاف ضحك ثم لف بهدوء :ثقتك من وين مكتسبها وش ذالجراءة
سيف:مب تقول لازم الشجاعه فالحب!!
نيّاف تنهد:حتى على حساب نفسك!
سيف:كيف
نيّاف :تاخذ وحده ماتحبك؟
سيف فتح باب سيارته بحزن:يووه يابو ابراهيم تقعد توسوس بي ان شاءالله انها تبيني
نيّاف ابتسم من مسمى "ابو ابراهيم": اتكلم بشكل عام يعني
سيف: انتم تبون بعض ورى انفصلتوا؟
نيّاف :شاكه بحبي لها تقول اخذتني عشان بدر وهي قبل تقول ماعندك كرامه ليش اخذتني وانا ما أبيك
تنهد بتعب ؛لخبطتني
وبضحكه:نفسك بالضبط ما اكلها الا انا والجادل اخر شي
سيف:اقول بس بديت تمون يرحم امك لاتقول اسمها تو احس بشعورك اذا عصبت
نيّاف : ههههههههه
-
-
نرجع للوقـت الحالي ..
الجادل بدت تتغير نظرتها لكن الرفض لازال يتردد بداخلها له ولا تبي تستعجل عشان عزة نفسها خصوصًا الموقف اللي شهدته في بيتهم قبل شهور يوم رفضها للحين يتردد كلامه ببالها!! ,حتى لو برر للحين تحس بزعل رغم انه يطلعهم ولايقصر بحقها شي ومحترم ويوضح أنه يبيها!!.
-
-
"يوم السبت"
وقف بدر قدام بيت سيف ، ونزل مع مسلط لمجلس سيف والبندري دخلت مع الباب الثاني وهي تمشي فالممر، رفعت حواجبها وهي ترجع نقابها وتشوف سيف والجادل طلعوا مع الجهتين وتقابلوا وصدت الجادل وهو لا تفاجئ ثم ابتسم واخذ صينية القهوه وطلع ولا حتى أنتبه للبندري اللي كانت واقفه قدام!!
لفت وهي تشوف الجادل ترتب ومتوتره وسلطانه تاكل حلويات جايبتها فهده اللي تتقهوى قدامها ومعها جوالها تكلم اختها حصة وتسولف .
ابتسمت على اجواء البيت وهي اول مره تشوفه :سلام
فزو منصدمين ، كملت وهي تسلم :بستقر عندكم كم ساعه بس
فهده حزت بخاطرها وسلطانه ببتسامة :اف حمدلله توقعت بسرعه بترجعون لشقتكم ولابيت اهلتس
الجادل بهدوء وابتسامة :اي والله اجل ندق ولاتردين انقطعتي عنا !!
البندري جلست وهي تاخذ فنجالها:سلطانه تخصصتي؟
سلطانه :تحضيري
الجادل لفت :لحظه!! صرتي جامعيه متى وليش ماندري
البندري :معها بالبيت وماتدرون !
فهده:ياشينتس!ليش ماندري طيب والمعهد ؟
سلطانه :سيف قال اسحبي عليه وادخلي الترم الثاني جامعه اضمن
صدت الجادل وهي تناظر جوالها , البندري للاحظتها وببتسامه :سيف يفهم اكثر منتس!
سلطانه ببتسامة واسعه:وبدخل أقتصاد
البندري :صرتي معي انا وفهده يعني..
أنت تقرأ
لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها
Romanceثاني روايه للكاتبة " رِهام ال سلطان " لا نستبيح الاقتباس او النقل وحفاظًا على حساباتكم من البلاغ وانتهاك حقوق الملكية الفكريه لدى الكاتب حساب الكاتبه انستا : @twqxz_ تويتر : @rsaieu
