حساب الكاتبه فالانستا حياكم :
@twqxz_
ام الجادل جلست :جيبي لي مويه بالاول
فزت الجادل وجابت لها وقعدت قدامها :وش عندتس تروحين ولا تقولين لي!؟
مزنه :كنت عند ام سيف وابو سيف وكنا نتكلم عن خطبتكم
الجادل تمثل انها ماهتمت :طيب ماقفلنا الموضوع؟ليش أنفتح مره ثانيه
مزنه :والله يابنتي صح انتس انخطبتي واجد لكن ماتقبلينهم تقولين ذا غريب وهذا اخاف اتورط فيه وهذا مايناسبني يعني لين متى يابنتي ابو سيف اقنعني واسمعي وش قال
الجادل بسرعه :حتى لو أيش!! ماراح اوافق
مزنه: اسمعيني ام سيف الله يهديها كانت تقول للناس انتس بترجعين وحولنا مافيه احد ببخطبتس غير سيف والبعيد انتي ترفضينه وسيف ذالمره شاريتس ولا يبي غيرتس مزعج اهله فيتس وهو مايحتاج امدحه
الجادل بكذب :ماتدرين يمكن هذا قرار أهله!
مزنه :لا لو قرار اهله كان من زمان راجع لتس وانتي ملاحظه كل مامرني جلس يسلم علي ويتودد لنا واضح انه طلبه هو
الجادل بتمثيل وهي تفكر :قولي لا
مزنه:ها مايفيد معتس الكلام انتي!!
الجادل :يمه ذا قراري لاتبيعوني نفس أول
مزنه وهي تنقهر من هالموضوع تنهدت وسكتت
الجادل بندم :ما اقصد اجرحتس بس انا منجدي مابي
مزنه بتصريفه :طيب واذا قالوا ليه ماتبي
الجادل :قولي كيفنا
مزنه ضربتها بخفه :بالله عليتس!!
الجادل بضحكه :قولي تعده اخوها
مزنه :ماتنفع بعد ذي
الجادل :اجل قولي تبي تكمل دراستها ماتبي تتزوج
مزنه بدت تفكر معها يبون اي عذر كافي ولانهم يغلون هالعايله ويعزونهم لازم الرد بطريقه تناسب علاقتهم.
"في بيت ابو سيف"
فهد ركض للصاله :منيره اختي وصلت
سيف اللي كان ينتظر امه وابوه:كيف ماقالت لنا
سلطانه :ماقالت الا لفهيد!
فهد :اخر العنقود يحفظ السر!
سيف :اقول طس قلط زوج اختك وانا بلحقك
سلطانه بتأفف :ليش ماينزلها وينقلع لازم قهوه وشاهي
سيف بصوت خفيف لها :حمدلله الجادل ماعندها خوات
سلطانه :يقلع ابو ثقتك ياشيخ
سيف جلس يساعدها :ماتدرين احس فيني شي يقول بتوافق
سلطانه وهي تحط الزعفران :فيك ايش فيك ايش؟
سيف وهو يرتب الفناجيل :كثري تنمر ومعارض عشان امورنا تسهل وتوافق علي
سلطانه لفت :اقول رجع كل المواعين اللي طلعتها
سيف عصب:ليش تعبت عليها
سلطانه :مطلع ٣ فناجيل وصينيه وتعبت؟ اقول رجعها زوج اختك امي مخصصه له مواعين كشخه
سيف :بالله عليكم كذا النظام يعني القريبين اي شي بس البعيد يسوون له اشياء
سلطانه طلعت الطقم الجديد :ايه كذا ياحبيبي بعدين عمتك مزنه تدخلك فالصالة ما لك هيبه روح لناس جديده
سيف جلس على الطاوله يفك معها :ماتدرين يمكن الجادل هي المخطوفه ونروح لاهلها الحقيقين عاد من الرياض واضح ان عايلتها كشخه وحلوين نفسها
سلطانه عطته نظره :حلوين؟ ماشاءالله حافظها وانت ماشفتها الا مرتين
سيف بضحكه :غلطانه ٤ مرات!!
وبتفكير :مره شفت شعرها هنا فالمطبخ
ونقز ووقف مكانها بالضبط وهو يشرح لسلطانه الموقف
وكمل ببتسامة :ومره شفتها وانا وجايب لتس طلبية الفروه والثالثة حقت يوم لبست فروتس واخرها بالمول
سلطانه ببتسامة وهي تحط الدله :اقول ياللي ماتستحي ليش مادريت عن الثانيه
سيف :تدرين ان كل المرات هذي اشوفها بدون ماعرف انها هي نفسها الا الاخيره وكنت شاك بعد!
سلطانه مدت له من سمعت صوت فهد يستعجلهم :خذها وبالليل بيكون تحقيق!!
سيف خذاها :كل شي تعرفينه اي تحقيق طسي بس
وطلع وسلطانه تدعي ان الله يكتبها من نصيبه.
أنت تقرأ
لاتزعل الدنيا ولا تزعلك يالظبي العفر ان كان ما جازت لك الدنيا ندور غيرها
Romanceثاني روايه للكاتبة " رِهام ال سلطان " لا نستبيح الاقتباس او النقل وحفاظًا على حساباتكم من البلاغ وانتهاك حقوق الملكية الفكريه لدى الكاتب حساب الكاتبه انستا : @twqxz_ تويتر : @rsaieu
