සුදු රෝස [Non fic] (completed)

42. ආදරණීය අවසානයක්..☘

අභි අයියා හිටියෙ බැල්කනි එකේ තියෙන සුදු රෝස පාත්තියේ වේලිච්ච මල් අතු කපන ගමන්. හිතුවට වඩා සරුවට හැදුනා එයාගෙ රෝස මල් පාත්තිය. සීත කාලෙට පරිස්සම් කර ගන්න එක නම් ප්‍රශ්නයක්. ලංකාවෙ දි නම් සෘතු ගැන වද වෙන්න උනේ නෑනෙ. ඒත් දැන් වෙනස්..

අපි ඕස්ට්‍රේලියා ඇවිත් දැන් මාස 4 ක් විතර වෙනව. ඒත් හැමදේම අපිට තවමත් අලුත් වගේ. හුරු පුරුදු එකම දේ අපේ ආදරේ.

වැට කඩුලු නැතිව නිදහසේ ආදරේ කරන්න පුළුවන්. සම්මතය අසම්මතය අතර අපිව හිර කරල තියන්න කව්රුවත් නෑ.

මිනිස්සුන්ට අනික් මිනිස්සුන්ගෙ දේවල් හොයන්න කිසිම උවමනාවක් නෑ. ඒ ඒ අය ඒ ඒ අයගෙ පාඩුවෙ. ඒක කොයි තරම් නම් හොද ද.

අපිට සැලකිලිමත් වෙන්න තියෙන අපේ සීමාව පුංචි වෙන තරමට අපිට අපේ සතුට හොයා ගන්න ලේසියි. මං කොහොමත් එහෙම පුංචි සීමාවක පුංචි මිනිස්සු පිරිසක් එක්ක ජීවිතේ ගෙවන මනුස්සයෙක්. ඉතිං මට ඒ දේ හොදට ම තේරුම් ගන්න පුළුවන්.

"බබාහ්... එයාලා අනිද්ද එනව."

"ඒක හොදයි අභි අයියේ. අපිට තව දවස් 3 ක් වගේනෙ තියෙන්නෙත්. එයාලත් ආවම අපිට ඉතුරු වැඩ ටික කරගන්න ලේසියි."

" decorations ටික හශී අක්ක බලයි නේද ?"

"ඔව් එයා fresh flowers වලට pay කලා කිව්ව. ඒ ටික වෙලාවට වෙයි."

"එතකොට Hotel එක.?"

"අහ්.. මෙ.. ඒකත් හරි ."

ඒකට අභි අයියා හිනා වෙද්දි මට ලැජ්ජත් හිතුනා. එයා මගෙ කම්මුලකින් චූටි හාද්දක් තිබ්බා.

අපි මේ ලෑස්ති වෙන්නෙ අපේ පුංචි වෙඩින් එකට. අපි දෙන්නා කැමති උනේ outdoor wedding එකක් ගන්න. ඒක මගෙ හීන වල හැමදාම තිබුන ආසාවක්. ඒකට අභි අයියත් කැමති උන එක කොයි තරම් නම් හොදද .

අපිට ආරාධනා කරන්න ගොඩක් අය නැ. අපෙ පව්ලෙ කීප දෙනා.. අභි අයියගෙ අම්මයි අප්පච්චීයි, අනුධ යි සාරායි මෙහෙ ඉන්න ලොකු අම්මයි හශි අක්කිගෙ පව්ලයි තමයි ඉන්නෙ.

ආහ් එතකොට අපි කලින් කතා උනෙ අනිද්ද එනව කියල ඒ අනුධලයි අම්මයි අප්පච්චී යි.