ကျွန်တော့်ချစ်သူ ဆိုက်ကိုပါ့သ် (bl)
part (30)
-------------------------- unicode/ zawgyi
ဂုဏ်ရောင် လျှံ့နောက်က ချက်ချင်းလိုက်လာပြီး ကားပေါ်တက်ဖို့ ပြင်လိုက်ပေမဲ့
ရှေ့ခန်းတံခါးက ဖွင့်မရတော့
"လျှံ ကားတံခါးဖွင့်ပေးပါဦး "
"နောက်မှာထိုင်လိုက်ပါ "
မှန်က ဟတယ်ဆိုရုံလေးကျသွားပြီး လျှံက သူပြောလိုရာပြောကာ မှန်ကို ပြန်တင်လိုက်လေပြီ
အထင်လွဲစရာမြင်ကွင်းမို့
လျှံ တလွဲတွေးနေပြီဆိုတာ သေချာသိတဲ့ဂုဏ်ရောင့်မှာ လျှံအပြုအမူကြောင့် ကြောင်သွားရပြီးမှ
နောက်ခန်းတံခါးကိုဖွင့်ကာ ကားပေါ် တက်လိုက်ရသည်..
ဂုဏ်ရောင် ကားပေါ်ရောက်တာနဲ့ တပြိုင်နက် လျှံကလည်း မောင်းထွက်ပြီးသားပင်...
"မင်းထင်သလို မဟုတ်ပါဘူး လျှံ "
ခါးကြီးကိုင်းရင်း အရှေ့ခန်းသို့ ခေါင်းပြူကာ ဂုဏ်ရောင် ပြောလိုက်ပေမယ့် လျှံကတော့ နဲနဲလေးမှ လှည့်ကြည့်မလာဘဲ
"ကားမောင်းနေတုန်း စကားမပြောပါနဲ့"
အသံပြတ်နဲ့ပြန်ပြောလိုက်တဲ့ လျှံ့စကားကြောင့် ဂုဏ်ရောင် နောက်တွန့်သွားရပြီးမှ...
"ဒါဆို.. ကားရပ်လိုက်လေကွာ "
ဒီအချိန်မှာတော့ စကားမပြောဘဲ မနေနိုင်တာမို့ စောဒက တက်လိုက်မိရင်း
"ငါ ဒီနေ့စက်ရုံကိုလာတာ မွန်မြတ်သူနဲ့ပတ်သက်ပြီး ဖြေရှင်းဖို့ပါ"
လျှံ မြင်လိုက်ရတဲ့ မြင်ကွင်းရဲ့ အကြောင်းအရင်းကို ပြောပြဖို့အစပျိုးလိုက်ပေမဲ့...
"ဘယ်လို ဖြေရှင်းလိုက်တယ်ဆိုတာမြင်သာနေတာပဲ ...
ကျွန်တော့်ကို ပြောပြစရာ ကျန်နေသေးလို့လား "
လမ်းဘေးကို ကားထိုးရပ်ပြီး ပြန်ပြောလာတဲ့ လျှံ့အသံက ကိုယ့်ကိုစိတ်ပျက်နေတာ သိသာစွာနဲ့
"မင်းမြင်လိုက်တဲ့ ခဏလေးနဲ့ပဲ ကောက်ချက်မချနဲ့လေ လျှံ...
ငါ ပြောတာကို သေချာနားထောင်မှပေါ့ "
"ကောင်းပါပြီ...
ပြောပါ...
ရင်ခွင်ထဲ ဆွဲသွင်းပြီး ဖြေရှင်းလိုက်တဲ့ ရလဒ်က ဘာလဲဆိုတာကို ကျွန်တော် နားထောင်ပေးပါ့မယ် "
YOU ARE READING
ကျွန်တော့်ချစ်သူ ဆိုက်ကိုပါ့သ် (bl) completed
Romance***** ရိုးဖြောင့်ခြင်းတွေ ပျောက်ဆုံးနေတဲ့လောကကြီးမှာ လူလိမ်လို့ သူ့ကိုယ်သူခံယူထားတဲ့လူက အရိုးသားဆုံးပဲမဟုတ်လား အဲ့လိုပဲလေ ဆိုက်ကိုပါ့သ်လို့ နာမည်ပြောင်ရထားတဲ့ ငါကလည်း သာမန်ရိုးကျအဆန်ဆုံးဖြစ်နေနိုင်တယ်****** (ရိုးရာ ကတိ) ****** ပတ်ဝန်းကျင်ကို တုံ့ပြ...
