ကျွန်တော့်ချစ်သူ ဆိုက်ကိုပါ့သ် (bl)
part (23)
------------------------- unicode/ zawgyi
"ဖေဖေ ...
ဒီကို ဘယ်လို ..."
"မင်းလာခဲ့ "
ညိုက လှဲနေရာက ထသွားပြီဆိုပေမယ့် ရိုးရာကတိကတော့ ထိုင်လျှက်သားရှိနေတုန်း...
အနားရောက်လာကာ ကိုယ်လက်ကို ဆောင့်ဆွဲခေါ်တဲ့ ဖေဖေ့ကြောင့် ကတိကြောင် သွားရပြီး
"ဖေဖေ ဘာဖြစ်နေတာလဲ "
"မင်းဘာတွေ လုပ်နေတာလဲဆိုတာ ငါ့ကအရင်မေးသင့်တာ...
ဒီကောင်နဲ့ မင်နဲ့က ဘာတွေလဲ "
"ကျွန်တော့်ချစ်သူကို ဒီကောင်လို့ မခေါ်ပါနဲ့...
ညို့မှာ နာမည်ရှိတယ်...
တစ်ချိန်မှာ ကိုယ့်သမက်ဖြစ်လာမယ့်သူကို လေးလေးစားစားဆက်ဆံသင့်တယ် "
"ရိုးရာကတိ! !!!"
ချစ်သူတဲ့လား...
ဂုဏ်ရောင် ဘယ်လိုမှ လက်မခံနိုင်တဲ့ ကိစ္စဖြစ်၍ ဒေါသတကြီး အော်လိုက်မိတော့
"ဆရာ.. စိတ်ထိန်းပါ "
ဒေါသကြီးနေတဲ့ကိုယ့်နောက်က လိုက်လာခဲ့ပြီးမှ ပွင့်ဟနေတဲ့ အခန်းတခါးကို သတိရသလို ပြန်လှည့်ပိတ်တဲ့ လျှံက သတိပေးနေပြန်သည်
"မင်းစကားမရှည်နဲ့...
ငါနဲ့လိုက်ခဲ့ "
"ဘာဖြစ်နေတာလဲဆိုတာ အေးဆေးရှင်းပြလို့မရဘူးလား "
ကိုယ်ဆွဲခေါ်နေတာတောင် မလိုက်ဘဲ ရွတ်ကပ်ကပ်လုပ်နေတဲ့ ကိုယ့်သားကို ဂုဏ်ရောင် ဘယ်လိုမှ စိတ်မရှည်နိုင်တော့ဘဲ
"မင်းတို့ပတ်သက်မှုကို ငါလက်မခံဘူး "
တင်းတင်းထန်ထန်ပြောလိုက်တဲ့ ကိုယ့်စကားကို ကတိကတော့ အမှုမထားဟန်နဲ့
"ဘာလို့လဲ...
ယောက်ျားချင်းဖြစ်နေလို့လား...
ဖေဖေ လက်မခံလည်း မတတ်နိုင်တော့ဘူး ကျွန်တော်က ညို့ကိုချစ်ပြီးနေပြီ... "
"မင်း! !!"
ဂုဏ်ရောင် အစိုးရိမ်ဆုံးက အဲ့ဒါပါပဲ...
မွန်မြတ်သူစကားကို အပြည့်အဝယုံကြည်ခြင်းမရှိပေမယ့်...
ရှုပ်ထွေးမှုထဲ ရှိနေတဲ့ လဆန်းညိုကို ကိုယ့်သားက ငြိတွယ်နေမှာမျိုး မဖြစ်စေချင်ဆုံး...
YOU ARE READING
ကျွန်တော့်ချစ်သူ ဆိုက်ကိုပါ့သ် (bl) completed
Romansa***** ရိုးဖြောင့်ခြင်းတွေ ပျောက်ဆုံးနေတဲ့လောကကြီးမှာ လူလိမ်လို့ သူ့ကိုယ်သူခံယူထားတဲ့လူက အရိုးသားဆုံးပဲမဟုတ်လား အဲ့လိုပဲလေ ဆိုက်ကိုပါ့သ်လို့ နာမည်ပြောင်ရထားတဲ့ ငါကလည်း သာမန်ရိုးကျအဆန်ဆုံးဖြစ်နေနိုင်တယ်****** (ရိုးရာ ကတိ) ****** ပတ်ဝန်းကျင်ကို တုံ့ပြ...
