توالفت قلوبنا في عز المزوح وفي عز رعشه خوفي استأمنك

- تعريف بسيط -

الجد ( عقاب ) :
شايب امتلت لحيته شيب من جور الزمن والايام بسيط ويحب واقعه ، وله مكانه وصيت في مجتمعه وحار يحب كل شي بسرعه عقليته مثل عقول الأولين مايحب حد يحط كلمه فوق كلمته ويعارضه ، منشغل بحلاله وبمحله اللي يبيع فيه ذهب واللي يمسك محله العامل وبعض الاحيان يمسك المحل حفيده حمد .

الجده ( منيرة ) :
جدتنا الحلوه عندها كل شي ولا عايلتها ، وتزعل اذا حدا عيالها قطع عنها فتره حتى لو معه عذره ما تحبهم يغيبون عن عينها وحنيتها لو تصب على الكوكب كفتهم ماترضى حد يغلط على احفادها خصوصاً ومثلها مثل شايبنا تنشغل بالزرع كل صبح وبالدجاج .

حاتم ( ابو حمد ) :
هو البكر اول عيال عقاب ، صارم وشديد للناس اما عند بنته أحن منه ما تحصلون و من بعد ما زوجته توفت وعانى بحزن عميق لملم نفسه عشان خاطر عياله واخذ حمد ونوره من اعمارهم٩ عند جدهم وجدتهم وعاشوا معهم لين يومنا هاذا .

حمد :
ملامحه حاده بس جميله عقده حجاجه والغمازه اللي تتوسط خده وتغطيها لحيته الخفيفه وشنبه عمره ٢٧ يد جده اليمين مايستغني عنه ودايم شغال على قدم وساق لعيون جدنا عقاب ، الشخص الوحيد اللي يسمع له الجد ويحب عقليته ونقاشاته بوسط مجلس الرجال حتى لو عارضه ما يعصب لانه ما يشوف حمد مثل الباقي يعتبره ولده مو حفيده ، عصبي ونوير تناديه ب مشخاط من كثر ما انه اي شي يعصبه مشخاط يعني ( كبريت ) ، ويدقق ب اصغر الاشياء واتفها وهالصفات البركه في الجد خذاها منه .

نوره :
أجمل حفيدات عقاب شعرها يوصل لنص ظهرها سواد شعرها مثل سواد الليل ، ملامحها حاده تشابه ملامح اخوها حمد بس ملامحه ألطف شوي حيث انها أنثى وعيونها مثل عيون امها وسيعه مركبه زمام ( خرمه في الخشم إن شاء الله فهمتوا ) تحب جدتها وجدها تغليهم مره اي ضرر يمسهم تتعب اكثر منهم دايم ملازمه جدتها وتعاونها ونقدر نقول شايله البيت ومتعلمه كل شي من ناحيه السنع والضيافه والكرم من جدتها وجدها حيث انها عاشت معهم من وهي طفله .
___________________

فهاد :  اب جارالله ، ما ربي رزقهم ب كثره الذريه ما عطاهم غير جارالله ويشوفه صديقه وولده ويخاف عليه .

فايزه: ام جارالله وزوجه فهاد تحب عايلتهم الصغيره وتحب ولدها ومرات توصل فيها الانانيه ويوصل فيها الخوف لدرجه انه يضايق جارالله .

جارالله : ولد امه وابوه الوحيد ملامحه هاديه رموشه طويله وكثيفه لدرجه بعضهم يخطر ببالهم انه مكحل عيونه عمره ٢٣ نعرف تفاصيل الشخصيه في البارتات .

________________

سعد :
عاش قصه حب مع نوران وخذاها رغم اختلاف المناطق والقبايل عاش حياته معه على نهج العطى وتبادل المحبه عمره ٥٥ .

نوران :
زوجه سعد وبادلته المحبه عمرها  ٤٤ انجبت منه مسعود وسعود وديم وقمرا .

مسعود :
البكر والفرحه الأولى عيونه ناعسه ووتوسط لحيه غمازه محليه ملامح وجهه يعشق الشاهي ويحب يسمر اخر الليل ويحب يختلي بنفسه بين فتره وفتره واذا ما سنحت له الفرصه يختبص كثير ويعصب على ادنا شي بسبب تشويش افكاره عليه واخوانه وخواته يعرفون هالصفه فيه عمره  ٢٩ غيورر على محارمه .

سعود :
عبيط وفلاوي ويحب يضحك وملح العايله وعمره ٢٣ ويحب يستند على اخوه مسعود وكانوا نعم الاخوان كل واحد يرتكي على الثاني ولا يشيل هم ، ولا يرضى على خواته مايحب يشوف الحزن متوسط ملامح احد من عايلته .

قمرا :
اسم على مسمى جميله بكل ما تعنيه الكلمه عندها شامه صغيره تحت عينها اليسار وهي اللي زادتها جمال ، شعرها لين تحت كتفها بشوي ، هادييهه تعيش في الخيال اكثر من الواقع تحب كتبها وتحب تقرا بنهم وتحب تقرا رواياتها في الجوال عمرها ٢٥ .

ديم :
دايم تشبك مع سعود بالضحك وتحب منظر اخوانها كيف مع بعض وكيف حنيتهم عليهم وفيها قبول وملامحها سمحه عمرها ١٩ .

________________________

مساعد : اب فهد وفهده عمره ٣٧ مايعطي مشاعره لعايلته ويشوفهم وجع راس لا اكثر ولا اقل .

سلطانه : اكثر وحده تدق بالكلام تصير اخت فايزه عمرها ٣٥ انجبت من مساعد تؤام فهد وفهده .

فهده :
تحب المسلسلات التركيه تعشقها ولا لقت احد مثل جوها وماعندها الا اخوها ودايم يسمع لها وتروح وتزعجه ، شعرها لنهايه رقبتها قصير مايل على اللون البني ، عيونها عسليه بشرتها حنطيه بس تميل على البياض اكثر عمرها ٢٢ تحس بإي شعور يجي توأمها وتتضايق معه وتفرح معه.

فهد :
بنيته حلوه عريض شوي حواجبه كثيفه عمره ٢٢ تؤام فهده تعرفون تفاصيل الشخصيه بعدين .

____________________

عبدالله :
رجال لين يساند اللي حوله ويغلي حمد من غلاه ولده خلف له عمره ٦٠ .

عايضه :
انجبت من عبدالله خلف وجابر وماجده عمرها ٥٨ .

خلف :
وسيم اجتمعت فيه الملامح الحلوه كلها تحت مبسمه شامه واضحه عيونه بنيه غامقه ، وشنبه كثيف ، دمه حار ويغار وغيرته شينه ، يكره الغبي ويعصب منه بسرعه ، عمره ٢٨ صقار ويحب صقره من بد الصقور كلهم واسم صقره " جزار " اقرب صديق وابن عم لحمد .

جابر :
شخصيته استفزازيه ويكابرر ويحب ينخضع له ودايم ينافس عدوينه في اي مجال حتى لو كان مجال يجهله اهم شي عنده يكسر عيونهم عمره ٢٥ .

ماجده :
فيها من غرور جابر شوي ونرجسيه عمرها ١٨ وماتحب تكون علاقات ابداً .
_________________
عبدالعزيز :
اب عهد و هناي وعلاقته بزوجته سلوى حلوه ويعتبرها بنته مو زوجته وبس .

سلوى :
زوجه عبدالعزيز وانجبت منه عهد وهناي وتشوف فيهم الخير كله وتحب معامله عبدالعزيز معهم .

هناي :
ملامحها ماخذتها من امها بالأكثر وهي ملامح طفوليه ، لها ستايل معين وتحب القهوه كثيررر ، وعلاقتها في ابوها حلوه ودايم تناديه بعز عمرها ٢٧ .

عهد :
اخر العنقود ملامحها ماخذتها من ابوها وهي ملامح حاده دايم يتهاوشون على ابوهم وغيرتهم من بعض اللي ما تخلص بس ينتهون من هالمناقر بحضن كالعاده عمرها ٢١ .
-

عطوني آرائكم بالشخصيات ووش اكثر شخصيه حبيتوها من الوصف 🤍