كانت تجلس في المطبخ وتُفَرِّط البازلّاء مع نجاة، بينما چودي تحضر الأرز.
_ طب ايه يا يجماعه اعمل ايه؟
_ مش هو قال بحبك؟ يبقى خلاص عايزه ايه اكتر من كده ؟
_ مهي اكيد مش بالسهولة دي، اكيد في حاجه غلط، ولو مفيش لازم أنا أعمل ساسبينس، مينفعش العلاقه تبدأ بهدوء كده.
_ عيلة فقرية.
قالتها نجاة.
وتحدثت چودي بخفوت:
_ بصراحه كده، أنا مش متطمنه للبني آدم ده، بلطجي كده، وشكله سرسجي اوي، بلاش احسن.
فقالت حبيبة:
_ مش عارفه أنا متلغبطه بجد، من المفاجأة امبارح ضربته بالقلم وقفلت الباب ف وشه.
قالت نجاة من بين ضحكاته:
_ ياعيني دا الواد زمانه اتصدم.
_دا اكييد .
قالتها چودي بضحك.
لم تجد حبيبة ما تقول، فصمتت وركزت انتباهها على البازلاء.
________________
بعد ساعتين من تلك الأحداث، كانت چودي تستنشق بعض الهواء بالحديقة، لكنها وجدت من يُكَمّم فمها ويأخذها بعيدًا، دق قلبها برعبٍ، وهي تحاول المقاومة لكن بلا فائدة.
أوقفها ذلك الشخص بجانب الحائط، وأخرج ماديته، وقال:
_ أنتِ مرتحالي، وانا واد قمور ومحترم، ومفيش مني اتنين، لو حبيبة رفضتني هتبقى خسرت القمر بحاله، ولو اتقال كلمه عكس ده، هزعلك تمام؟
أمائت برأسها بلا تصديق، أهذا حقًا نوح؟
_ يلا قدامي على حبيبة ويتقال كل الكلام ده وتقنعيها تمام؟
_ تمام تمام حاضر.
ذهبت سريعًا من أمامه متجهة نحو غرفة حبيبة.
_____________
_ طب ايه بقى مش ناويه ترضي عن المجنون ونجيب المأذون؟
قالها يوسف بترجي فقالت:
_ بقولك ايه فكك مني دلوقتي أنا مش طايقه حد.
_ ليه بس مين زعلك؟
_ الفاينل بكرا، وانا حرفيًا بطه بلدي.
_ هو من ناحية بطه ف أنتِ بطه، ومن ناحية المذاكره هساعدك.
_ تساعدني ازاي ياعم ساعد نفسك الأول.
_ احمممم الله يخليكِ، طب أنا هقوم بقى اشوف شغلي بدال التهزيق ده.
_ احسن برضو بالسلامه.
خرج من الغرفة وهو يحك مؤخرة عنقه بإحراج ويقول بخفوت:
_ منك لله هلاقيها منك ولا منك؟
_نعم يخويا منك ولا منك ازاي يعني؟
أنت تقرأ
علِّمني كيف أكون : Teach me how to be
Adventureما هو مفهوم الإختلاف لديك؟ هل لك أن ترافق صديقًا يختلف معك في كل الأمور؟ في كل شيء وفي كل تصرف، هذا الصديق هو نوح، ومن يختلف عنه هو يوسف، هما من عالمين مختلفين، لن يتقابلا سِوى بمحض الصدفة، ويالها من أجمل صدفة، وسيشهد الزمان على صداقة قد كُتبت بين ا...
