بعد إسبوع...
_ أنا بجد مش مصدقه اللي حصل، انت متخيل مريم اول مره تحس ان عندها عيله، انا مبسوطه ليها اوي، بس حصل ايه بالظبط احكيلي.
_ روحت لوالدتها، واتكلمت معاها شويه، عرفت أن مش هي الي ودتها للدار، وعرفت كمان إن المُديره بتاعة الدار شغاله مع ناس كبيره اوي في البلد، بيجبولها الاطفال في سن معين، وهي طبعا بشكل قانوني بتربيهم في الدار عندها لحد سن معين برضو، بعدها بياخدو الطفل تاني بحجة التبني، إتجار في الأطفال يعني من الآخر، كلمت حذيفه وفهمته الموضوع، وهو عمل اللازم، واتقبض عليهم الحمدلله، وقدر يرجع اكتر من نص الاطفال اللي هناك لأهلهم.
نظرت له بشرود وقالت:
_ يعني أنا كمان زيهم؟ ممكن يكون ليا عيله بجد؟ ممكن تكون ماما عايشه؟
نظر لها بحيره وقال:
_ إحتمال كبير جدًا.
قالت بترجي:
_ ليل هو انت ممكن تعرف ترجعني ليهم؟
_ هحاول.
قالها بهدوء واتجه نحو الخارج بضيق، شعر لوهله أنه سيخسرها بعد أن إعتاد وجودها معه.
بينما ابتسمت هي بسعاده وبداخلها أمل طفيف.
_______________________
قرر أن يخطو تجاهها خطوة ستحدد مصيرهما معًا، وقرر أن يمنح والدها فرصه أخرى ويذهب ليعرض عليه الزواج من نجاة.
وصل أخيرًا لذلك المنزل ودق الباب عدة مرات إلى أن فتح والدها الباب، وطل عليه بهيئته الغير واعيه وقال:
_ خير يا باشا عايز مين؟
_ ممكن ادخل؟
سمح له بالدخول وقال:
_ أنا شوفتك فين قبل كده؟
حمحم وقال:
_ أنا يوسف كنت مع نجاة لما جت تاخد حاجتها من هنا.
قال وهو يحاول التذكر:
_ نجاه..نجاه..نجاه... اااه بنتي؟ خير جايين تضربوني تاني؟ هي اللي بعتاك صح بنت ال***.
أغمض عينيه بصبر وقال:
_ لا جاي اطلب الإذن منك وأطلب ايديها.
_ لا محترم اوي يخويا، تطلب ايد مين دي بت *** مشافتش ربايه، إذا كانت مش باقيه على ابوها هتبقى عليك انت؟
_ شيء ميخصكش أنا جيت اعمل بالأصول بس واضح انها متمشيش معاك.
_ أصول؟ يخويا بلا نيله قال اصول قال، نجاة دي واحده** متستاهلش تتجوز ولا تستاهل تتحب، هي اتولدت وجت على الدنيا بس عشان تتذل.
نهض يوسف من مكانه وقرر التخلي عن جميع مبادئه وبدأ في تسديد اللكمات له، وهو يقول:
_ انت اللي متستاهلش واحده زيها، بعد كل اللي عملته ليها، بسمعها بتعيط كل يوم بسببك، مقدرتش تنسى، كل الي عملته ليها أنا هردهولك أضعاف، هخليك تلف حوالين نفسك ومش هتسامحك يا***،وابقى شوف مين هينقظك مني.
أنت تقرأ
علِّمني كيف أكون : Teach me how to be
Adventureما هو مفهوم الإختلاف لديك؟ هل لك أن ترافق صديقًا يختلف معك في كل الأمور؟ في كل شيء وفي كل تصرف، هذا الصديق هو نوح، ومن يختلف عنه هو يوسف، هما من عالمين مختلفين، لن يتقابلا سِوى بمحض الصدفة، ويالها من أجمل صدفة، وسيشهد الزمان على صداقة قد كُتبت بين ا...
