بعد يومين من تلك الأحداث لم يتغير شيء سِوى أنه تم بالإتفاق تحديد موعد عقد قِران حبيبه ونوح، وتم أيضًا تحديد حفل زفاف الاء وحُذيفه...
____________________
_ يا جماعه انتو بجد بتهزرو؟
_ نعمل ايه طيب؟
قالتها نجاة وهي ترتشف من كوب القهوة بيدها، فقالت ألاء بغيظ:
_ يا باردين متقومو تعملو اي حاجه فرحي كمان اسبوع.
_ نعمل ايه يا لولو؟ م احنا قاعدين مع بعض اهو.
قفزت الاء وقالت بحماس:
_ متيجو نروح نعمل shopping وتشتري الفساتين بتاعتكو وبالمره نجيب فستان كتب كتاب ست حبيبه.
راقت لهم الفكرة فنهض الجميع بنشاط لغرفهم ليتجهزن للخروج.
___________________
_ نوح
_ نعم؟
_ متيجي
قالها يوسف بغمزه فقال نوح:
_ استغفر الله يعم أنا كتب كتابي بعد بكرا خد بالك أنا راجل اوي.
فقال يوسف :
_ يعم اتوكس أنا قصدي تيجي نطلع نغير جَو يعني.
قال نوح بحماس وغمزه:
_ طب متيجي.
_ ايه يعم في ايه عيب على دقنك دي.
_ لا مش قصدي يا غبي قصدي متيجي نروح الحاره، هبسطك على الاخر.
_ بعيد عن اخر كلمه دي بس ماشي ومالو اهو نغير جَو فعلًا.
نهض الإثنان دون أن يُخبرا أحد، ذهبا لمنزل نوح، أو بالأحرى تلك الغرفه أعلى إحدى الأسطُح.
________________
_ المعلم نوح وصل يحاره.
قالها إحلى الفتيان وهو يركض في منتصف الطريق، فإقترب كل من سمع ليستقبل نوح، بينما قال يوسف بصوت سمعه نوح فقط:
_ من امتى وانت معلم يا معلم؟
أبدى نوح علامات التعجب فقال بصوت مسموع للجميع:
_ مين قال اني معلم يجدعان؟
رد أحد الرجال وقال:
_ معلم من يومك يا نوح، مجلس إدارة حارة "الحاره" قررنا بعد م علمت على المعلم إياه انك تبقى المعلم بتاعنا لما ترجع.
قال يوسف بإستنكار:
_ حارة الحاره ؟
فرد نوح:
_ ايه يا عم انت هتسخر من اسم حتتي ولا ايه؟ ايوه اسمها حارة الحاره إيه الغريب يعني؟
_ الغريب انكم شايفينه مش غريب.
أنت تقرأ
علِّمني كيف أكون : Teach me how to be
Adventureما هو مفهوم الإختلاف لديك؟ هل لك أن ترافق صديقًا يختلف معك في كل الأمور؟ في كل شيء وفي كل تصرف، هذا الصديق هو نوح، ومن يختلف عنه هو يوسف، هما من عالمين مختلفين، لن يتقابلا سِوى بمحض الصدفة، ويالها من أجمل صدفة، وسيشهد الزمان على صداقة قد كُتبت بين ا...
