مابعد الشِقَاق

المحطة 1

بسم الله الرحمن الرحيم
#مابعد الشقاق
#للكاتبة لَيـل

-عَروس بفستان جميل يشبهه فستان الاميرات وفرحة الجميع من حولي تجعلني اطير كالفراشات وكلنا في انتظار اميري الجميل ليأتي على حصان ابيض وياخذني معه الى احضان السماء لنعيش في ارض السعادة والهناء
ها هو قد وصـل ودقت طبول اللقاء....اعتلى صوت الطبول اكثر فاكثر
واصبح صوتها يميل للإزعاج حتى افقت من النوم وتبين انه من الاحلام
وانها مجرد طرقات على الباب

ياقوت : گمت فتحت الباب وانه صايبني خيبه امل لان العشته طلع مجرد حلم

سميه: ولچ عيني يوم چم مره گتلج لا تقفلين الباب من تنامين؟ بلا تخربطتي وگعتي منين نفوتلچ اسمعي الكلمة امي ميصير هيج

ياقوت: حاضر ولله حاضر بس متعوده اقفله خلص هاي هي ست سميه تامر امر

سميه: يلا عيني غسلي ونزلي عمتچ والبنات هنا اليوم ينزولون ابوچ والولد يلا يوم كومه شغل عدنا

ياقوت : يلا يلا بس اغسل وابدل واجي

نزلت امي وانه طبيت غسلت وبدلت ملابسي ونزلت لگيت عمتي والبنات هنا
-اهوووو هم الشله التعبانه هنا ماحسيت غير نكفخت على راسي من ورا

عَمره: ولج عمه ليش ما تحترمين

سميه: عوفيها ام مُلهم بعدها طفله

ياقوت: شبيكم واحد مايشاقه وياكم. حضنت عمتي وبوستها
-عمي غير انت العافية واهلهاا شعدي غيرج انه عماتي

عَمره: اروحلج فدوه حبيبتي

ياقوت: سلمت عالبنات وبدينا نرتب البيت ونجهز الاكل
سمعنا صوت سياره بالباب الكل طلعو يستقبلوهم وانه صعدت البس حجاب لان مُلهم يجوز وياهم

ميار: طلعت خالتي سميه فتحت الباب واحنه كلنا وراهم مشتاقيلهم حيل وصارلهم هواي بالواجب
دخل خالي مبتسم ويصيح
-شنو هالاستقبال بويه لو هيج النزول لو ماريده

عَمره: نورت بيتك خويه

موسى: منور باهله خيتي تعالو بويه خل احبكم ليش واكفين بعيد

ميار: رحناله بوسنا هدور سألته خاله سميه
-ابو محمد لعد وين الولد

موسى: محمد هسا يجي دزيته على اوراق بالمكتب يجيبهن ويجي
ومُلهم مانزل ويانه