بسم الله الرحمن الرحيم
# مابعد الشقاق
#للكاتبة لَيـل
امس بالليل طَيفك مر بالعيون!
وگعدت وياك ساعة وعاتبيتك
فجأة وراح طَيفك فزت الروح
دَورت الليل كله ومالگيتك
-----------
ياقوت: دخلنا لبيت عمه وچان المنظر صدمه مُلهم گاعد على ركبه وگدامه شخص دينزف وغرگان بدمه بعدني بطور الصدمه ومنى گالت
-بابا؟؟
-شنو بابا منى ؟ منو هذا شبيكم واحد يحچي؟
محد يجاوب وابويه ومحمد واحد يباوع للثاني بحيره وبس عمتي گاعده تبچي وتحچي وي مُلهم
عَمره: ولك يمه ليش قتلته ليشش؟ صرت قاتل ابوك ولك يمه
موسى: محمد طلعهم لبره واتصل بالاسعاف يلا بويه
اجه محمد يريد يطلعنا محد مستوعب شيء كلنا صافنين ومصدومين معقوله مُلهم قتل ابوه؟ علمود هيچ چان يدور عليه؟ هذا يعني ثار مُلهم الي من طفولته يحچي بيه هو قتله ل ابوه؟ شنو سوه ابوه حتى يحقد عليه لهلدرجة
لدرجة حتى من ابوه گدامه غرگان بدمه هو گاعد مبتسم وهادئ تحسه انتصر واخيراً طلعنا محمد من البيت ومنى انهارت بچي اما ميار بعدها مصدومه
انه الي اعرفه ميار ومنى ماشايفين ابوهم غير بالصور وهم صور ضاميها بالختله لان اذا يدري بيهم مُلهم يحير شيسوي
-محمد الله عليك جاوب شنو ديصير صدگ هذا ابو مُلهم؟ زين مات لو بعده عايش؟
محمد: مادري خويه ولله مادري هسا خابرت الاسعاف هسا يجون ونعرف
هو عايش لسه بس مادري
ياقوت: راح يحبسوه لمُلهم؟
ماجاوبني وعافنا دخل تقربت يم منى الي امي تحاول تهديها وميار گاعده على جهه وبس الدموع تنزل على خدها ومنى تحچي وتشهگ
منى: يعني هسا اخويه قتل ابويه ، ابويه الي چان حلمي اشوفه واسأله ليش عافنا
-هسا انه اخويه مجرم وقاتل وهم راح يعوفنا
-اششش كافي محد يعوفكم ، اكيد اكو خطأ مستحيل مُلهم يكون قاتله مُلهم مو قاتل مستحيل
منى: ماشفتي الدم والسچينه بايد مُلهم هو قتله بس ليششش ليشششش وين اكو واحد يقتل ابوه
تحچي وتشهگ وانه محتاره وگلبي راح يوگف من الخوف احس عقلي بعد مايشتغل ماكدر افكر بشيء دقايق وسمعنا صوت الاسعاف ونزلو المسعفين ودخلو ليجوه دخلت وراهم اريد اشوفه ميت لو عايش
واحد من الممرضين صاح
أنت تقرأ
مابعد الشِقَاق
Mystery / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
