بسم الله الرحمن الرحيم
#مابعد الشقاق
# للكاتبة لَيـل
خيبت ضني وفشلتني
نزلت دمعي وضيعتني
حتاريت يم گلبي شغني
ثاري اليحبك هم يلچمك
ويكَّسر كزازات حلمك
ويضيعك وماتلگة يمك
من حزنك ابنادم يضمك
مُلهم : ياقوت بس اسمعيني
ميار : ضلت ياقوت واگفه بمكانها ودموعها تنزل على خدها
تقرب مُلهم يريد يحاچيها ابتعدت وهمست
-الحمدلله على سلامتك مُلهم
وراحت تريد تصعد الدرج ركض وراها مُلهم وكمش ايدها
مُلهم :بس هيچ!
ياقوت : شمتوقع اتلگاك بالاحضان؟
مُلهم : عالاقل يعني!
ضربته على صدره وهي مبتسمه وعيونها حمر من العصبيه والقهر
ياقوت : غلطان ، مو انه الي ارجع للي عافني ويگول متعمد
مُلهم : ياقوت بس اسمعيني انه اشرحلچ كلشي
صرخت ياقوت بصوت عالي
ياقوت : شنو تشرح شنووو الي تشرحههه!!
مو هستوها ميار سئلتك انت رحت متعمد وگتلها اي لو انه غلطانه!!!
دنگ مُلهم وترك ايد ياقوت
وهي تقربت اله اكثر وتضرب بصدره وتصيح
ياقوت : جاوبني مُلهم لا تسكت جاوبنيي
على اثر الصايح نزلت منى وامي طلعت من غرفتها
عَمره : ولچ يمه ياقوت شبيچ ليش تصيحين يمه
ماجاوبتها ياقوت وعينها على مُلهم الي مدنگ وما يحچي اي كلمه
صارت ياقوت تدفع بيه وتصيح فاقده اعصابها ومنهاره
امي تحاول تمنعها وتصيح
عمره : ولچ يمه على كيفچ حبيبتي اهدي بس اهدي ونفتهم منه
مُلهم ياشر لامي عوفيها لا تكمشيها ابتعدت امي عنها وياقوت وگعت على ركبها وتبچي منهاره
گعد مُلهم گدامها وهو يمسح بدموعها رفعت عينها بعينه ودفعت ايده وصاحت
ياقوت : هو سؤال واريد جوابه
هز راسه موافق
مُلهم : سألي
ياقوت: بارادتك مااجيت للعرس مو؟ انت رحت وحدك مو؟
هز راسه اي
مُلهم : بس مجبور
گامت ياقوت على حيلها وهي تجر بالنفس گوه راد يتقرب منها رفضت
عَمره : ولچ يمه بنيتي اتنفسي جري نفس يمه
منى : ميار ركض مي
رحت جبت مي واجيت شفتها واگعه بحضن امي ومُلهم يصيح
مُلهم : وخرو خل اخذها للمستشفى
ياقوت : عوفني
أنت تقرأ
مابعد الشِقَاق
Mystery / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
