بسم الله الرحمن الرحيم
# مابعد الشقاق
# للكاتبة لَيـل
يابعد عيني وعين عيني
ياحنين اهلي وحنيني
-استغربت من كلامه بس ما انطيته اهمية كملت الچاي وحطيته على الطبله مالته واستاذنت من بابا وصعدت لغرفتي حاولت اتصل بمُلهم كذا مره بس جهازه مغلق مرت الايام وهو جهازه مغلق حتى عمتي انشغل بالها عليه
عَمره: خويه ماتشوفلي هذا مُلهم وعلي ناطف گلبي عليه
موسى: هسا اخابره تحجين وياه
ياقوت: دگ بابا عليه شاله استغربت مو جهازه مغلق هاي شنو مغير رقمه؟
موسى: الله يساعدك علي، شلونك بويه؟
علي: اهلا سيدي الحمدلله نشكر الله
موسى: بويه مُلهم يمك اريد اسولف وياه؟
علي: ثواني سيدي بس ادخل للوحدة الطبية
موسى: يلا بويه من يصير يمك اتصل عليه
غلق التلفون والتفت لعمه يحاچيها
-هسا خويه شويه ويحاجيج ابنج تلفونه مكسور وما تحصلي الا من صحبانه
عَمره: وانه اكول كلما اتصل عليه تلفونه مغلق
موسى:ليش مااتصل عليج وبلغج؟
عَمره: لا ولله خويه ولا سامعه صوته من التحق لليوم
موسى: الله يطيح حظك مُلهم هي هاي هم سوايه
عَمره: كبرني فوگ عمري عمر هالولد ياخويه شسويله ماادري
موسى:خل ينزل وانه عندي كلام وياه على كيفج
ياقوت: بعدهم كاعدين وانه اتسمع لكلامهم من ورا الباب وسمّعت التلفون دگ وصوت ابويه يعلى
موسى: شنو ماهوه ؟ وين راح؟ عده جوله ميدانية لو شنو؟
علي: ولله سيدي ماعرف بس افتريت الوحدة كلها مالكيته هسا اسال القيادة يجوز نازل
موسى:لا بويه هاي هي انه اشوف شنو السالفه
مشكور وليدي
ياقوت: عمتي كامت تلطم وعلى صوتها طلعت امي من المطبخ شافتني واكفه
سميه: ولج يوم شكو شصاير؟
ياقوت: مادري يوم بابا اتصل على واحد وگله مُلهم ماكو بالوحدة وعمتي سمعت وكامت تلطم
سميه: اسم الله الرحمن جا هذا الولد وين راح
ياقوت: هزيت چتافي بمعنى ماادري ، خفت عليه كلش ونقبض گلبي من كلامهم صعدت فوگ لغرفتي گعدت تذكرته وتذكرت من چان يعبر من السطح حتى يشوفني لو يراضيني من ازعل تذكرت اخر مره قبل لا يلتحق من انقهرت منه وصعدت لغرفتي ولحگني وهو يگول
-هاي العيون الحلوة شلون تزعل؟
أنت تقرأ
مابعد الشِقَاق
Mystery / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
