بسم الله الرحمن الرحيم
#مابعد الشقاق
#للكاتبه لَيـل
چنت خايف منها تمطُر
و هسة مُطرت
و الحَنين يريد إيديك
و إنتَ غيرت الأماكن
گُلي هسة ، شلون أجيك ؟
------------------
ياقوت : انه موافقه.......
حچيتها لا اراديا بعد ما عقلي توقف عن التفكير
بس من شفت فرحتهم وفرحة عمه هونت الموضوع عليه
عَمره : يمه سبع سعادات وليداتي
منى : اللههه فرحتلكم حبايب
ياقوت : تقرب خالو باسني براسي وهو يحچي
- راح تصيرين احلى عرووس بالدنيا ياقوتّه
ميار : ليش تصيحلها ياقوتته
مسلم : مو مُلهم يگلها ياقوتايتي؟
فاذا هي مالته وياقوتّه
مُلهم : والكفل زينب بس انت تفتهم
ياقوت : تقرب مُلهم كمش اديه ويباوع بوجهي بفرح والابتسامه تارسه وجهه
-الله يقدرني اسعدچ ياقوتي
دنگت وانه اهمس مستحيه من الموجودين
-سعادتي انتَ
منى : هي تحچي ومدنگه ومُلهم تحسي يريد ياكلها بعيونه حتى اكسر جو الخجل الي صار گتلهم
- يلا نگص الكيك نريد ناكل جعناا
تقربو هي ومُلهم من الميز وگصو الكيك وكلو بعض وهدور قطعنا الكيك ووزعنا بين بعضنا وگعدنا نسولف متونسين
عَمره : يمه شوكت العرس؟
مُلهم : الخميس الجاي
منى : عزا وين تلحكون
مُلهم : ماعدنا شيء نلحگ
ياقوت : انصدمت من الموعد كلش قريب اقل الاسبوع شنو اگدر اسوي بيه
حتى بدله ماعندي ولا محضره روحي ولا مستعده لا نفسياً ولا جسدياً
- بس مو مستعجل شويه مُلهم!
مُلهم : لا بالعكس انتظرت هواي
ياقوت : علاقل خلي مو هذا الخميس على الي بعده!
ومُلهم : وشنو الفرق ال كم يوم شيردن يسون؟
ياقوت : مالحگ اسوي شيء
مُلهم : شتسوين اميرتي!!! عايزه شيء انتِ وتسوي؟
أنت تقرأ
مابعد الشِقَاق
Mystère / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
