مابعد الشِقَاق

المحطة 19

بسم الله الرحمن الرحيم
# مابعد الشقاق
# للكاتبة لَيـل

حِلو مَلگاگ يَم ضَي النَهر تِضوي
وخَيالكَ بالگَلب مَرسُوم
الروح تلاعِبهَ وتزهِي
وانَه صَياد لـ أسوي الگَلب نَشابة
وأصِيدنك
وأذا أخطِيك تعذِرني
وعِذري هُو
أحَبَـنك .

مُلهم : هذا انت!!!!!

- بشحمي ولحمي

مُلهم : چنت منتظرك

-لعد شگد مااستحي خليت اخوي الچبير ينتظرني

مُلهم : الظاهر بعد ماتتحمل شوقك

- عوفك من شوقي ليش ماحاچي للاهل عني؟
مو عيب عليك

منى : واگفه بينهم ما مستوعبه ولا كلمه وذول يسولفون كانما يعرفون بعض من سنين
- واحد منكم يفهمني شديصير ؟؟؟؟؟؟

التفتو عليه اثنينهم
مُلهم : بعدين اشرحلج روحي فوتي لمحاضرتچ عدنا هنا حديث طويل

-ما افوت الا تفهموني
تقرب مني الولد وهو يحچي
- حقچ حقچ خويه امشي نفهمچ

وجهت نظري لمُلهم الي ملامحه ما مبين عليها الغضب وكانما عادي يتقرب مني ويحچي وياي ابتعدت عنه بسرعه توجهت لمُلهم اباوعله بس اريد يفهمني شنو جاي يصير
- مُلهم شديصير منو هذا؟

مُلهم : مُهاب

صفنت ثواني ما مستوعبه شنو مُهاب ؟ شديگول مُلهم
- بس بس مُهاب مات! امي گالت مات!

مُلهم : صحيح تؤامي مات . بس هذا اخونا من ابونا

- مُلهم ماجاي استوعب والله شنو مُهاب شنو ابونا

مُلهم: اشش شويه شويه تفهمين

مُهاب : الله بالخير خويه؟
هسا مادام عرفتيني هم بعد تصيحين الشرطي عليه؟

التفت اله وانه كل ذرة بجسمي ترجف ما مستوعبه وجودة ولا مستوعبه عدي اخ غير مُلهم حسيت روحي راح اتخبل ضليت اتلفت بينهم لحدما حسيت روحي دخت ردت امشي وماسيطرت عثرت ردت اوگع كمشني مُلهم

مُلهم : شسالفه مناوي هو جرد اخو شبيچ ؟