بسم الله الرحمن الرحيم
#مابعد الشقاق
#للكاتبة لَيـل
بلسان مُلهم:
اضمك وين؟
من ياعين؟
هوه المثلك شينضم
يلجنك بخور هنود
من سابع سلف تنشم .
ميار : مُلهم!!!
باوعلي وهو يضم بالسلاح
مُلهم: شكو؟
-وين رايح؟
مُلهم: شغل
-مُلهم شغلك شعلي بالسلاح
مُلهم: ميار لتدخلين وروحي لغرفتچ
-عالاقل اخذ مُهاب وياك
مُلهم: دخلي جوه ميار
عافني ونزل الدرج ركضت لياقوت احچي مستعجله
- سوي روحچ تخربطتي بساع
ياقوت : شكو؟؟؟
- سوي روحچ تخربطتييي
بعدين افهمچ يلااا
رحت وگفت بباب الغرفه وصيحت
-يمههه يمهههه ياقوت مدري شبيها
اسمع صوت امي من جوه يمه تصيح
عمره : ولچ يمه مابيه اصعد شبيهاااا
-يمه مادري مدري شبيها تعاي حبابه
عالصوت سمعت باب المطبخ نرگع ودخل مُلهم مستغرب
ويصيح
مُلهم: ليش اصواتچن عاليه
عمره : ولك يمه مرتك مدري شبيها ومابيه اصعد
اجه مُلهم صعد بسرعه ودخل لياقوت يشوفها
مُلهم: ياقوت باعيلي شبيچ؟
شيوجعج؟
امشي اوديج للمستشفى گومي
ميار عبايتها
ياقوت : ماريد مستشفى ابقى يمي
مُلهم: شيوجعج ياروحي انتِ
ياقوت : راسي يوجعني راح اموت
اباوع لياقوت شلون تمثل عليه وانه حصرتني الضحكة
طلعت من الغرفه لا ننفضح ورحت جبت جهاز الضغط
قدمته لمُلهم
-قيس ضغطها خاف متخربط
خزرني واخذ الجهاز
مُلهم: مديلي ايدچ ياروحي
قاس ضغطها وي حظنه طلع صدگ هابط وكلش هم
شفته راح ضم سلاحه وطلع
شويه ورجع بيده ادوية ومغذيات
حط العلاگه عالميز وطلع واحد من المغذيات
شده الها وضل گاعد يمها
من امنت بعد مايطلع نزلت جوه خابرت مُهاب علمود يجي بسرعه
طلعت بالطاارمه انتظره
دخل مخترع مبين چان نايم
- هاي شنو شبيك؟
مُهاب : شكو ميار خوفتيني ياقوت بيها شيء مُلهم؟
خاف امي متخربطة
-لا ماكو شيء تعال احچيلك هنا
اخذته على جهه وحچيتله على تصرف مُلهم وسالفه السلاح
أنت تقرأ
مابعد الشِقَاق
Misterio / Suspensoلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
