بسم الله الرحمن الرحيم
#مابعد الشقاق
# للكاتبه لَيـل
رحتلها وشفتها وروح حضنت روح
الحقيقة وي الحلم وثنينهن طبگن
العيون استراحن هودن بال شوف
ول الگلوب التقن وبشوگنه احترگن
بس اشجار يمنه وخفنه بيها عيون
خاف تشوفنه ولحضاتنه يغرگن
-------------
ياقوت : درت وجهي شفت اكو سياره قريبه ومسرعه باتجاهنا سحبت الطفل ورجعت ليوره خالو وگف السياره ونزل يركض
مسلم : بيچ شيء تاذيتي ياقوت باعيلي بيج شيء؟
ياقوت : لا مابيه شيء
التفت على الطفل اريد اشوف خاف تاذى بس مابي شيء الحمدلله اجت مره اعتقد امه ضلت تحچي وي خالو بلغتهم ومافهمت ولا كلمه
دنگت راسها بمعنى شكرا ابتسمت بوجهه اخذت ابنها وراحت
ورجع خالو يسالني
- تاذيتي ياقوت الله عليج ؟
ياقوت: لا ولله خالو مابيه شيء
-شگالتك المره
مسلم : تشكرت منچ بس ياقوت لا تعيديها بعد انت امانه عدنا وعلي يجينا رجلج ينفينا من الوجود
واذا متنا يتلگانا ابو محمد چلاليق بالاخرة
ضحكت على كلامه صعدنا بالسياره نريد نرجع والطريق كله خالو يسولف ويشاقه وياي شخصيته شگد حلوة ومرح
رغم انه ماشايفته ابد بالواقع هاي اول مره چنت صغيره من سافرو او يمكن مامولودة بعدني بس احسه كلش قريب عليه وكلش حنون عليه وحتى جده وجدو كلش حنينين هسا عرفت امي منين ماخذه جانبها الحنون
رجعنا للبيت تلگتنا جده
- ها يوم رجعتو
مسلم : لا بعدنا شويه ونجي
خزرته جده وغمته ودخلت ضل يركض وراها ويصيح
- يوم شمالچ هي هيچ تغميني گدام بت اختي مايصير حجيه مايصير
الجد : عود كبر وصار شخصيه
مسلم : شنو مو بعينك بويه موظف وشكبرني والناس تحترمني شمالكم وياي
الجده : صغيري يوم ووحيدي وشما تكبر اشوفك الطفل الي يسويها جواه
ضحكت ومن خزرني خالو حاولت اكتم ضحكتي بس خطيه خالو كلش استحى وطفر لغرفته وصعدت وراه لغرفتي اريد اشوف بالكي منى دازتلي صور علي يمه بعد روحي بودي احضنه املخه هيچ اعضعضه
فتحت التلفون لگيت دازيلي صور وهو بحضن ميار وصور بالحاضنه مال الاطفال
بعد روحي شنو من جمال شايل كلش يشبهه محمد ولو هو مايبين هسا بس يشبهه شلون ماادري
لگيت جوه الصور مُلهم كاتب رساله
أنت تقرأ
مابعد الشِقَاق
Misteri / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
