بسم الله الرحمن الرحيم
# مابعد الشقاق
# للكاتبة لَيـل
كلش ثكلت جروحي انا المبيوع
وانه ادفع ثمن روحي
كابوس البعد ما يگضي راح اگضي
هاي الليله مو مكسور متشضي
———————————————-
ياقوت : طلگني
ميار : كلنا نصدمنا من كلمتها الهدوء عم المكان بس صوت الانفاس تنسمع
تقربت امي تلزمها وتحچي
عمره : يمه نعلي الشيطان شتحچين انت بنيتي
ياقوت حتى مالتفت ع كلام امي وعينها على مُلهم الي واگف مصدوم موسع عيونه الي صايرات حمر دم قابض ايده بحرگه وعصبيه
مُلهم : ياقوت !
حبيبتي شنو هالكلام هذا!
ياقوت : اي مُلهم احنه مانرهم سوه طلگني واروح اعيش يم اجدادي تعبت مااتحمل بعد
رخت ايده وغمض عيونه ورجع فتحهن بابتسامه يهدئها بيها
وتقرب مُلهم منها يمسح بدموعها بايده
مُلهم : اشش اهدي عمري انتِ تعبانه حقچ حقچ هسا ترتاحين شويه تصيرين زينه
دفعته ياقوت عنها وصاحت
ياقوت : شبيك مُلهم ماجاي اشاقيك انه
مُلهم : كافي ياقوتي كافي ياروحي انتِ
ياقوت : مو كافي مووو كافييي بعد شتريد تسوي بيه ؟
اكثر من هيج شنو تريد تسوي؟
تعبت تعبتني عوفنييي
صاح بصوت عالي
مُلهم : ماعوفچ ماعوفچ ولا تحلمين اطلگج بيوم لا تحلمينننن ياقوتتتت سمعتيييي
هو حچه هالجمله وحط ايده ع گلبه يفركه بالم وگع على ركبه ووجهه مبين عليه الالم كلنا ركضنا باتجاهه
عمره : يمه مُلهم يمه وليدي شيوجعك يمه
ساكت ميرد من الالم ويفرك بصدره تحسه يريد يطلعه من مكانه حتى يخلص من الوجع
مسلم : مُلهم استند عليه خل اخذك للمستشفى
صاحت بيه منى
منى : وخر وخررر انت قنعتها تسوي هيچ مووو؟
انت قنعت ياقوت تطلب الطلاگ
كل هذا لان رفضتك مووو ؟
صفن مسلم بوجهه وامي وياقوت ما مفتهمين شنو الوضع وشنو صاير بس تركيزهم مو يمهم كل خوفهم هسا على مُلهم
حاولت اسكت منى بس عبث تحچي وتلوم بمسلم ع الوضع الصاير
مسلم : اسكتي منى اسكتي اخوچ موزين متشوفين
خل ناخذه للمستشفى بساع بدون حچي زايد
اجه سندة يريد يگومه ووگع مُلهم من طوله فاقد الوعي
گمنا نصرخ منعرف شنو نسوي ياقوت گعدت يمه وتصيح
- مُلهم بس حاچيني حباب مُلهم بس اگعد ولله ماريد شيء بس تگعد خلص الي تريده يصير مُلهم لا تسوي هيج
وتهز بيه تريد تگعده وهو ماكو منتهي
امي گعدت تدگ وتلطم ومنى رفعت رجليه خاف ضغطه هبط
أنت تقرأ
مابعد الشِقَاق
Misteri / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
