بسم الله الرحمن الرحيم
#مابعد الشقاق
#للكاتبة لَيـل
حتى وانتَ هناك أشمَّك
وحتى مِن يحچون يمي
بسالفة، وجابوك بيّها
اتغاضى عن السُولفوهِن
وباليّ كُلة يصيّر يمَك
شِنهي عود مطشِرة أيامي
اعلى وينَك؟ ..
واليريد يلمنيّ ،
بَس يطخني بأسمَك .
ميار : انصدمت من شفت مسلم واهله واگفين بالباب ومسلم لابس قاط وبيده ورد اجه صوت من وراي
مُلهم : ها منو مُهاب؟
دخلت گلت لمُلهم وطبيت للمطبخ اباوعلهم
- مُلهم اجداد ياقوت اجو
راح مُلهم وامي سلمو عليهم ودخلوهم ليجوه ومُهاب باقي ع وگفته تقربت يمه اريد اشوفه شبي اشرتله شكو؟
مُهاب : هذا الولد وين شايفه انه؟
- ماشايفه راح قبل لا تجي انت
مُهاب : احس شايفه
- خاف بالصور
مُهاب : شو اوگفي!
اي ولچ صح شفته بموبايل منى ورزلته باول مره التقينا
-يااا تذكرت
مُهاب : جا شعده جاي هسا
- ذوله الناس الكبار يصيرون اجداد ياقوت اهل خاله سمية
وهذا ابنهم ومن سافر جانت ياقوت تريد تتطلك من مُلهم
فاكيد ضلو قلقين عليها
مُهاب : خوش يلا فوتي
-بس البس حجابي انتظرني نفوت سوه
ركضت لغرفه امي لبست شال من عدها ودخلت انه ومُهاب يمهم
رحت سلمت على جدة بوستني وتباركلي
جدة : الف مبروك يمه تتهنون ولدي الله يسعدكم
- يا جدة عليمن تباركيلي؟
جدة : يمه مو هذا زوجج؟
-يااااا لاااا هذاا اخويه
الجد : شنو جدي منين اجه اخوچ؟
مُلهم : قصة طويلة ، خل اعرفكم دام ملتمين
مُهاب اخوية من والدي
هز مُهاب راسه مبتسم
مُلهم : وذوله اجداد ياقوت ومسلم خالها
مُهاب : اهلا وسهلاً بيكم شرفتونا
الجد : هلا بيك بويه يحفظك الحسين لشبابك وليدي
مُهاب : اشكرك حجي
عمره : احضرلكم الغرف ترتاحون اكيد تعبانين گومن بنات
الجدة : لا استريحي ام مُلهم احنه جايين بموضوع نريد نسولف بيه
عمره : اي تفضلو خوفتوني
أنت تقرأ
مابعد الشِقَاق
Mystery / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
