بسم الله الرحمن الرحيم
# مابعد الشقاق
# للكاتبه لَيـل
احنه مو عالموت نبچي
نبچي عالعشره
ينمسح بالدنيا كلشي
بس شيمسح الذكره
اخ جم واحد نحبه
نايم بگبره
چنه نومه وگعده نضحك
ونخطف عمره
-------------------------
مُلهم : منى تحركي سويچ السياره ركضض
منى: رحت جبته وفتحت السياره راح مُلهم لميار سندها وخلاها بالسياره وهي تصرخ
انه وامي لبسنا عبينا وصعدنا وياها الطريق كله ميار ما هدات بس تلوج من الالم ومُلهم يصيح
-وصلنا ولله تحملي شويه
-وصلنا ميار وصلنا
صرنا گبال المستشفى نزل مُلهم جاب كرسي متحرك
ونزلنا ميار گعدت عالكرسي ودخلناها ليجوه
دخلونا للطوارئ واجت الطبيبه فحصتها
الدكتورة : لازم عملية ماتگدر تولد طبيعي
عَمره : بس يمه بعدها بالسابع
الدكتورة : على اثر الضربه راح تصير عدها ولادة مبكرة
مُلهم : بس مو خطره؟
الدكتورة : اكو نسبة خطورة بس ادعولها
منى : امي گعدت تبچي ومُلهم حاضنها يهدء بيها اجو الممرضات جهزو ميار للعملية ودخلوها
طول فتره العملية ضلت امي تلوج ومُلهم رايح جاي رايح جاي صاحت بيه امي
عَمره : ولك يمه دخت كافي مادخت انت
مُلهم : مو تاخرو يمه
عَمره : ولك يمه قبل شويه دخلوها
مُلهم : ولله يمه مادري شلون وگعت چنت يمها مالحگت الزمها
-ولله حسيت رجليه بعد ماشالني من سمعتها تصرخ
حيلي كله باد
عَمره : ادري يمه قابل شبيدك يابعد امك
مُلهم : اخخ ياگلبي اخ
يحچي ويفرك بگلبه بقوه تقربت منه كمشت ايده وگتله
-ادعيلها مُلهم ان شاء الله ماكو شيء هسا تولد بالسلامة ويطلعوها
عَمره : ان شاء الله يمه
-----------
ياقوت : وصلنا لبيت جدو بوقت متاخر والدنيا ليل رغم طلعنا من العراق الصبح بس فرق التوقيت بالدولة الي عايشين بيها بيت جدو يختلف عن العراق
چان الشارع فارغ عبالك مكان مهجور رغم المكان كلش حلو اول مادخلنا
شفت بيتهم كلش حلو ومرتب وتحسه بيه حنيه على ترتيب جده
اول مادخلت صارت مدالية بيها علم العراق بوجهي وبصفه صور عائليه لجدي واجداده واكو صور لجده وجدو بعرسهم
وصورة لامي وخالي من چان خالي صغير
أنت تقرأ
مابعد الشِقَاق
Mistério / Suspenseلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
