بسم الله الرحمن الرحيم
#مابعد الشقاق
# للكاتبة لَيـل
آنة فصلت العُمر
كُلّه على گَدك
وانة عِفت الدنيا كُلّها
ومَا ردتها
وردِت ودّك .
سميه: وهو؟
موسى: بعدين ام محمد بعدين گومي صيحيلي ياقوت بلا امر عليچ
سميه: صار
ياقوت: من سمعته كال صيحيلي ياقوت رحت ركض لغرفتي ومن الخرعه حتى الكتاب كمشته بالمگلوب شويه وندك الباب وفاتت امي
سميه: يوم عيني نزلي ابوچ يريدج
ياقوت: حاضر ماما ، نزلت بسرعه دگيت باب المكتب كال تفضلي بابا دخلت
موسى: گعدي بويه
ياقوت: رحت گعدت گدامه متوتره واحس ملخت اديه من گد التوتر والخوف
موسى: بنيتي انت كبرتي وبعد مو طفله وعقلچ يوزن بلد وانه اريد احچي وياچ بموضوع
ياقوت: اي بابا تفضل
موسى: اليوم عمتچ ام مرتضى خطبتچ لابنها شنو رايچ بالموضوع؟
ياقوت: صفنت شويه بعدين جاوبته بكل هدوء
- بابا انه ما اريد اتزوج هسا وان فكرت اتزوج فمااريد اتزوج شخص مااعرفه واذا تريد الصدگ فاني لا استلطفت عمتي مريم ولا ابنها
موسى: اقدر مشاعرچ بابا بس كلامچ هذا يجبرني اطرح سؤال ثاني
ياقوت: اسالني بابا
موسى: انت رافضه الزواج من مرتضى لو من اي شخص ثاني ؟
ياقوت: صفنت على سؤال بابا ابد ماتوقعت راح يسألني هيچ وماكدرت اجاوب اكتفيت بالسكوت
ابتسم براحة وحچه
موسى: هاي هي بويه افتهمتچ انه اخذي راحتچ
ياقوت: گمت بهدوء وگفت يم الباب طريقة بابا بالكلام وهدوءه وابتسامته الي تبعث الطمأنينة بروحي خلتني ارتاح وحسيته هو يقراني ويعرف گلبي المن هاوي
طلعت من المكتب صعدت لغرفتي لكيت امي منتظرتني
سميه: شكلچ ابوچ؟
ياقوت: ماگال شيء هيج سولفنه
سميه: لچ ياعيني احچيلي شكلچ
ياقوت: سالني اذا اريد اتزوج مرتضى
سميه: اي شكتيله
ياقوت: رفضت
سميه: ليش يوم ليش شبي الولد وترفضي
ياقوت: ما اريده مااحبه
سميه: تحبي ورا الزواج
ياقوت: لا ماما مااريده لا تضغطين عليه واصلا بعدني صغيره
أنت تقرأ
مابعد الشِقَاق
Mistério / Suspenseلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
