مابعد الشِقَاق

المحطة 5

بسم الله الرحمن الرحيم
# مابعد الشقاق
# للكاتبة لَيـل

بكُل ضَياع الروح أريدك
انه كُل دروبي احِسها
خطوط إيدَك

ميار: الصوت جاي من جهه سياره خالو وصار دخان قوي والناس تصيح خابرو الاسعاف انفجار مرت ثواني احنه ما مستوعبين شيء الناس تجمعت واذاني ترن من قوة الصوت وعلى قوة الانفجار كلنا اندفعنا ليوره وامي وخالتي بالكاع من ركزت شويه بالمنظر صار كدامي دم وبقايا جثث مطشره عمري كله مستحيل انسى المنظر الي شفته بيومها فزيت على صوت ياقوت
تصيح
ياقوت: بابااا باباااا وينك بابا

ركضت ياقوت لمكان الانفجار ولسياره خالو من خف الدخان شفنا الانفجار مو يم السياره بعيد شويه سيارة مفخخه نفجرت بس على قوة الانفجار والدخان الصار ماكدرنه نستوعب شفت ياقوت بحضن خالو حاضنها بس مبين متاذي
ركضنا كلنا اله

موسى: لا تخافون بويه ماكو شيء لاتخافون خو محد تاذه ام محمد ام مُلهم بيكم شيء بابا البنات

سميه: لا مابينا شيء انت انت بيك شيء

موسى: لا مابيه شيء بعيده صرت ورا السيارة

ياقوت: بابا خفت عليك روحي راحت

موسى: مابيه شيء ولله هاي انه گدامچ على رجليه

ياقوت: بس دم دم هذا دم بايدك بابا

موسى: وينه بابا

ياقوت: هذا هذا بايدك منا

جان خالو متعور بايده بس ماحاس بيه مو جرح جبير بس على اثر ال الصوت والدفعه الي صارت من الانفجار تاذه ماكو دقايق والتمت سيارات الاسعاف والشرطه والمكان نترس جنود وصار هوسه

ياقوت: بعدني ماستوعبت الي صار وبعدني گلبي يوجعني خفت على ابويه كلش ضلينا على وكفتنا ما مستوعبين الصار وعيونه عالدم والناس الي متاذيه مر وقت قليل والمكان نترس ناس وتلفوني ماسكتت ولا لحظة شلته چان مُلهم

مُلهم: ياقوت؟ ياقوت ؟ هاي انتِ؟ جاوبيني مو راح انجلط

ياقوت: اي انه انه

مُلهم: انتو بخيرررر؟ امي البنات ؟ خالي خومحد تاذه ليش نتصل محد يجاوب

ياقوت: كلنا بخير مابينا شيء بس الانفجار صار قريب علينا وبعدنا ما مستوعبين

مُلهم: انطيني خالي بسرعه

انطيت التلفون لبابا وگتله مُلهم يريد يحچي وياك
-موسى ها بابا ها حبيبي ، لا لا مابينا شي كلنا بخير،