بسم الله الرحمن الرحيم
# مابعد الشقاق
# للكاتبة لَيـل
چنت خايف منها تمطُر
و هسة مُطرت
و الحَنين يريد إيديك
و إنتَ غيرت الأماكن
گُلي هسة ، شلون أجيك ؟
—————————————-
ياقوت:بعد التحاق بابا والشباب بقينا بس احنا بالبيت مرات يمرون علينا دورية يشوفونا اذا محتاجين شيء وامرار ولد من اصدقاء مُلهم اسمه علي يمر علينا
وحتى المسواگ مال البيت همه يجيبو
واذا احد راد يطلع همه ياخذو ويرجعو بتوصيات من بابا ومُلهم
بدت الاوضاع تتدهور بالزايد بالموصل والمحافظات الي هناك
واحنه عايشين بقلق واذا اتصلنا وماردو تصير مناحه بالبيت
مر على غيابهم تقريب ال اسبوعين واحنا گلوبنا نار عليهم
ميار: ياقوت اتصلتي على مُلهم؟
ياقوت: يطلعلي خارج نطاق التغطية شويه وهم ارجع اتصل
ميار: محمد جهازه مغلق اذا حاجاج مُلهم سالي عن السبب
ياقوت: تمام امي وامج وين؟
ميار: بالمطبخ جوه امشي ننزل يمهن
ياقوت: ولچ انت هواي تنزلين وتصعدين خاف مو زين عالطفل
ميار: شسالفه قابل وين صاعده هو درج هگدوته
والطفل شني لازگي بعلچ!
ياقوت: مادري اخاف عليچ ولله
زين شوكت موعدج يم الدكتورة
ميار: اسبوع جاي
ياقوت: منو ياخذج؟
ميار: گال محمد انزل فد يومين اشوفكم وارتب الوضع وارجع التحق
ياقوت: گولي ولله؟
ميار: ولله
-تدرين كلش مشتاقه ل محمد ولخالو ومُلهم ما متعودين كلهم يغيبون سوه ووحشه الهم حتى البيت هدوء همه كل حياتنا
ياقوت: صحيح ولله روحي مسحونه عليهم الله يرجعهم بالسلامة
-صدگ تذكرت ماتجيبين حاسبة محمد خل نشوف القبولات طلعت لا؟
ميار: يا عزه ناسيتهن اكيد طلعن هسا صار هواي من گالو اسبوع وتطلع
ياقوت: يلا جيبيها وتعاي راح انزل جوه اشوف منى وين
ميار: خوش ثواني
ياقوت: نزلت انه وميار راحت تجيب الحاسبة رحت للمطبخ لكيت امي وعمتي يسولفن ويثرمن باميه ومنى گاعده ترسم رحت گعدت يم منى
-شنو هالابداع مناوي؟
منى: هيچ داشخبط
ياقوت: دتشخبطين وهيچ؟
منى: اي ولله مالي خلگ وضايجه اريد اطلع
أنت تقرأ
مابعد الشِقَاق
Misteri / Thrillerلِبـطـلٍ حَـنون بطـريقةٍ مُـتعبـة، صَـلب ومتهـالك،غامـض لدرجـة تُصيبك بـالرهبة.
