... من كترت القصـص في مجتمعنـا وبقينـا مشوشيـن صـراحـه بيـن انـو حياتنا ح تكون حلوه ورايقه ولا كلها مشاكل وخلافـات !!!؟
حتى مزاج يومنا ح يتلخبط بمجـرد اننا شفنا استشـاره حزينـه 💔
وبين كلللل دا فبتكون في حاجات رهيبـه بتدينا دافع قوي عشان نجـرب بالطريقه التريحنا وترضينا 💚
... ... دقيقــه انا مالــي بتكلم معاكـم قبـل اعرفكم على نفسي 😹🙊 ما مشكله ح تعرفوني لقدام 😌
مـن الصبــح صحيــت صليت وقريت سـورة "يــس" ،بعد كـدا نضفـت البيـت وعملت الشاي، مزاجي كان راااايق شديـد
مسكت تلفـوني وحايمه في قروبات الفيس لحد عيني وقعـــت على استشاره
اختصـارها ( واحد مغتـرب وجاء يعرس من وحده مرشاحاها ليو امـو، فلمـن بدا مواضيع العـرس هي رفضـت ... وهو عمل مشكله وحسب الخسارات وطالبهم بيها لدرجة الدبله ... فهو نزل الاستشاره بنتقد العرس بالشكل دا وانو كل البنات واحـد، وفي الاخر نبزنا كلنا)
انا قعـدت في نص السريــر وبتكلم براي
دا مالو العويـر دا كمان، نحن مالنا ومال عرسك عشان تنبزنا في صمت خشمنا 😒
عايـزه اكتب كومنت لكن اتذكرت كاميرات المراقبه 😒
تميت باقي كلامي براي، فجأه اتلفـت شفـت مـازن اخـوي واقف بعاين لي مستغـرب
*عليك الله يا مازن تعال شوف الاهبل دا ... تخيـل بـس ردمنا نحن زاتنـا ... العويــر جاي يعرس وفي الاخر البت رفضتو فقام...
#امونـه ممكن تديني فرصه اتكلم؟
*المهم رفضتـو فقام هـو زعل شديييد وجانا نحن المساكيـن ديل يردح لينا و
#و ،في عينك، بقول ليك اسكتي، مالك من الصبـاح 😒
*اصبحنا بالله 🙄
#المهم امـي ويـن
*طلعت الجزاره
#كيف 😳 ،انا كلمتها ما تمشي تاني لكن كل مره مطنشه
*والله زاتي قلت ليها لكن قالت ما بتنتظرك تصحى للضحى لحد تلقى اللحمه والخدار انتهو
#خلاص قومي جيبي لي شـاي
*دااااك هو جاهز
#امووونه 😒
*خلاص قايمه
... هـو قعد في كرسي وخت التربيزه جنبو ومسك تلفونو، انا دخلت المطبـخ وانقنق براي
هو سمعني وقال لـي سااامعك 😹😹
جبت ليو الشـاي وبقيت بحكـي ليو عن الجامعـه
قال لي
#ليه كل مره بتحسسيني اني ما قريت جامعه 😹
