#بقلـمي: فــاديه محمــد الخالـــدي
جات مكالمه وهو ما رد
قلت ليو رد مالك
هو طوالي وقف الفيلم وقال
#ح اكون معاك واضح
*🙄 خير ان شاءالله
#هنـد البتتصل وكل مره برقـم جديد فبقيت ما برد ع الارقام الغريبه ... اتكلمت معاها كتير عشان توقف البتعمل فيو دا لكن هي مفتكره انو زواجنا ما حقيقي يعني بسبب ظروف وح يخلص ... انا ما بتفرق معاي وكل محاولاتها ما تغير لي فهمي لاني صراحه مكتفـي بيـك حتى لو انتي عايزانا نكون اصحاب. ،فمكتفي بالجـد ... احتمال الكلام دا م مهم بالنسبه ليك لكن حبيت انك تكوني في الصوره بس
*مممممممم، يعني انت ما حاس بحاجه تجاها؟
#ابدا واللـه، دايما النقاشات الكتيـره بتخرب اي علاقه ... دا غير انو هي اقتنعت ما عارف الغير رايها شنو تاني
*والله دي حاجه بينكم ما ح اتدخل لكن صحبي ما ح اتنازل عنو 😌
#وصحبك ما ح يتنازل عنك لانو بحبك
*وانا زاتي بحبو جدا
...... سكتنا الاتنين وما انتبهنا لكلمتنا القلناها الا بعد مسافه
استأذنت منو ودخلت غرفتي
قعدت في كرسـي وم مستوعبه الكلام، ختيت يدي علي خدودي وبقول (امنـه ركزي دا شنو القلتيو دا) 😳
بقيت بتحاوم في الغرفـه وبتكلم براي
في الاخر بقيت اضحك
"قال بحبـك قال بحبك، قال بحبك يا امنـه ... عـروه بحبني انا؟ " 😻🙈
______
من ناحيـة عــروه
ساكـت ومبتسـم
"امنـه قالت بحبك، بالجد بتحبني وشايفاني كحبيب ما صاحب ولا قصدها شنو بكلمة بحبك؟ المهم هي بتحبني وما ح تتنازل عني ... خلاص تـاني ما ح نكون اصحـاب بس لا " 😻😊
________
دخل غـرفتـو وعندو صور كان بشوف فيهم وبضحك
...... في الليله دي الاتنين ما نومنـا وبنفكر في كلمة "بحبـك" ❤️
لحد صلاة الصبـح صليـت ومسكت مصحفـي 💚
بعد خلصت الاجزاء المفروض اقراهم ، فضلت ادعـي ونومت في المـصلايـه
صحيت ع صـوت عـروه
#يا امونـه اصحي
... فتحت عيـوني لقيتو قاعد في الارض وبعاين لي بطريقـه كأنـو مهجوم
، قشيت عيوني وقعدت في المصلايـه
هو بسأل فيني
#انتي كويسـه؟
