انا م اتلفـت عليـو لاني عارفه المصيبـه العملتـها 💔
هـو جاء وقف قدامي وشايل جلابيه في يـدو وقال
#انا حذرتك كم مره ما تكـوي لي، شوفي حرقتيها لي 😑
*دي م انا
#في منو غيـرك
*المكوه براها سخنت وحرقتها ليك، ما ذنبي
#انتي يا امنه لو مجنونه قولي مجنونه، ما ممكن تكوني بالطريقه دي، ولاخر مره بقول ليك مااااااا توصلي ملابسي، خليهم مبهدلين مالك ومالهم 😑
*ما فيك حسنــه ، امشي بيهم مكرفسين خلي الناس تضحك عليـك 😒
#بطلي طولة لسان يابت
... امـي تعاين لينا وتضحك، دي ما ولادة السجم زي ما بقولو 🤣💔
____ بعــد فطـرنـا وشربنا الشـاي، مـازن كان طـالع لكن رجع يلبس السـاعه ، انا كنت في المطبخ ما انتبهت ليو
امـي قالت لي ماشه ع ناس خالتك مواهـب ، بعد يطلع اخوك اقفلي الباب وتعالي لاحقـاني
انا بكل الرواشه الفي الدنيا جريت جري قفلت المطبخ والبرنده والبيت الكبيـر
سمعت صوت مازن بنادي علي
اتلفت يمين شمال ما شفتـو، استغربت الصوت جاي من وين
تاني سمعتو
#يا زفتـه تعالي افتحي الباب دا
*انت وين
#في البيـت
... فتحت ليو البـاب وبعاين ليو كل ملامحو غضبانه والغريبه ما اتكلم كتير 😹😹
قال لي بعدين نتفاهم وطلع
... مشيـت ناس خالتو مواهـب ولقيت بناتها لسه قاعدين حيروني
عاملين قعدة جبنـه وباقي خالاتي ال4 وبناتهم ماشاءالله موضوع
وحـده من خالاتي اسمهـا عـواطــف دي اكبر وحده فيهم، كانت تحكي ليـهـم عن ولـد اخـو راجلهـا جاء من السعوديــه ووو (استشارة الفيـس)
انـا حسيت القصه دي ما غريبه علـي، اتذكرت انها اللاقتني الليله الصبـاح في الفيس
قلـت ليها
*اهـا وفي الاخر حصل شنو؟🙄
#لسـه ما معـروف غايتو مشاكلهم شغاله مع اهل البـت لانهم رفضو يرجعو ليـو حاجاتو
*هو زاتو ولدكم دا بتاع شمشره، خلاص هم ما رجعوها احتمال م عندهم، وبعدين هـو لسه ما اداهم الشنطه والريحه والحاجات دي، يحمد ربنا ع الخساره البسيطه ويقفل الموضوع
... خالاتي كلهم اتكلمو في نفس الوقـت، ما صدقو لقو ليهم موضوع
طوالي قمت منهم دخلت المطبخ، جاتني امانـي قالت لي ارح بيتكم ما قادره استحمـل من الصداع
