بعد ربع ساعه ما حسيت بحاجه
سامعه صوت امي بعيييييد وبتقـول امونه امونه
مفتحه عين ومغمضـه عين قلت ليها
*ايوا 😴
#لو نعسانه قومي صلي العشاء وادخلي نومي
*لالا م نعسانه 😴🥱
... غـاده قالت لامي
#يحليلها تعبت الليله
... عمو فـاروق ما خلاني اقعد نهائي
مشيت صليت ودخلـت نومت
تاني يـوم صحيت متأخره شديييد لقيـتهم كلهم صاحيين وبجهزو عشان يمشو بيت خالتهم
من شافوني شغلوها لي (النوااامه) 😹
طلعت منهم ماشه ع المطبخ لاقاني عمو فاروق
*عمـو صباح الخير
#صباح النور، صحيتي متأخره الليله، ان شاءالله ما حاسه بحاجه؟
*كويسه الحمدلله ، يا عمـو ، مازن عندو ساعه نساها هنا تقريبا، عايزني اتأكد اذا موجوده في الدولاب
#جدا، امشي شوفيها
*عـروه ماف؟
#لالا طلـع
*طيب حاضر
... دخلت الغرفـه وبقيت بفتـش في الصايد تبع مـازن ما لقيتها، شفت شنطه ع الدولاب بفـوق
جبت الكرسـي وطلعت بجـر فيها
لمـن قربـت تنـزل، حسيـت في زول جاء داخل
اتلفت لقيت عـروه منطط عيـونـو 😳
انا حسيت بطني وجعتنـي، وم عرفت اعمل شنو
منظري كان باااااايخ شديييييد قدامـو
رفعت التوب في راسـي وبكل احترام نزلت من الكرسي وساكته
هو زاتو ساكت لانو ماف سبب يخليني ادخل الغرفه
بعد مساااافه قال
#بتفتشي لحاجه؟
... انا زي الصبت فيني مطره 😹
بقيت اتمتم
*ا ا ا ال الشنطـه، ا ا ال الساعـه
#ما فهمتك عايزه شنو 🙄
*مـازن
#اها
*ساعتو
#🙄 اها
*نساها قال هنا اشوفها
#مالك متوتره، قصدي مازن نسى ساعتو وعايزك تشوفيها ليو اذا هنا؟
*ايوا 😅
...... هـو جاء قريب مني، انا قلت بيني وبين نفسي "دا ماشي وين 🙄 "
هو عاين لي مسافه وقال لي ما نويه تزحي لي من مكانك دا عشان انزل ليك الشنطه؟
