بليل زي الساعه 1 صباحا، سمعت ناس بتصرخ شدييييد
جريت عليهـم، لقيـت مـازن اخوي وابوي
لمن شافوني حضنوني وبقينا نبكي 😭💔
مازن حالتو صععععبه صعبه وبقول لي انا اتكلمت معاها قبل تنوم، انا اتكلمت معاها، اتكلمت معاها 😭
عـــروه واعمامي جو مسكـو ودخلو الديـوان، ابـوي حاضني ويبكـي
مسحت ليو دموعو وقلت ليو
ابـوي ما تبكـي، امي في الجنه وح تزعل مننا اذا بكينا ... ارح نتكلم مع مـازن ما يبكي
ابـوي لمن شافنـي بتكلم بالطريقه دي ودموعي نازله باسني في راسي وقال لي ربنا يصبرنا، وانا معاك ما ح اخليك ما تخافي، امك عايزه دعواتنا
.........الخ
بعد خلص كلامـو قال لي ح امشي لاخوك
مسكتو من يدو قلت ليو ما تمشي تخليني
هو مسح دموعو بطرف جلابيتو، وخت يدو على كتفـي قال لي اطمنـي، انا هنا عشانـك ، ارح معاي لاخوك لكن حاولي م تبكي قدامـو لانو منهار شدييييد
... دخلنا الديوان وكان فيو كميه من الرجال اذا من اهلنا او ضيوف او من الحله
واصحابو جنبو في السرير
هو كـان راقد في السرير وببكي
ابوي قعد جنبو، اصحابو قامو
انا قعدت في الارض وختيت يدي على راسو قلت ليو
مــازن اخـوي، انت عارف انو امي ما بترضى زعلنا صح، متذكـر مواقفنا الكتيره هي كانت بتحاول تراضينا باي طريقه عشان م تشوف دموعنا
انت عارف انو هي هسي حاسه بينا وعارفاك بتبكي، انت عايز تزعلها ليه
عاين لـي انا ما ببكي عشانها، وابوي كمان سكت، انت زاتك قوم صلي وادعي ليها
... انا بتكلم معاو وكأني ما بتكلم 💔
فجأه هو سكـت
قلت لابوي، هو مازن مالو بقى م بتحرك؟
ابوي نادى على اعمامي، قال ليهم مويه سريع
رشو فيو مويه لكن م صحـى
طوالي شالو عربية عمـي
وانا وراهم، قلت ليهم مالو 😭
ابوي قال لي م تخـافي ح يكون كويـس
قلت ليهم ماشه معاكم ما تخلوني 😭
لكن هم استعجلو ومشو
قعدت في الارض وببكي، جاء ع بالي اني ح اخسرو زي امي
عـروه خت يدو على كتفي وقال لي قومي اوديك ليهم
انا م صدقت وطوالي قمت
