#بقلـمي: فــاديه محمــد الخالـــدي
...... اثنـاء ما نحن بنفطـر، هو بعاين في يدي وكأنو عايـز يسألني من حـاجه
قطع تفكيري صوتو لمن قـال
#ليـه ما بتلبسي دبلتك؟
*ممممممممممم
#ليه؟
*ما عارفه والله 😁
#طيب
... كشـر وشـو وقام غسل يـدو
جاء قعد ماسك تلفـونـو
، ما اشتغلت بيو وشغاله اكل 😌
قال لي
#خاتاها وين؟
*والله اصلا م عارفه مكانها وم فتشت عليها
#طيب 🙂
... شلت الصينيه دخلتها المطبخ اتوقعت القى جبل عده لكن غسلها هو 😳
طلع حساس كمان ، اييششششييي 😹
غسلت الاكلنا فيها وطلعت ما لقيتو
احتمال دخل غرفتو
جاء طالع كان لابـس بنطلون اسـود وقميص حرجـلـي (يخلوهم ليو 🙈 )
قال لي
#عنـدك خاتم؟
*ليه 🙄
#ما ممكن تردي بدون سؤال 🙂
*اي عنـدي
#جيبي لي لو ممكن
... جبتو ليـو، قال لي ح ارجع بعد شويـه وطلع
بعـد نص سـاعه عفـراء اتصلت قالت لي وصفي البيت لاننا قربنا
وصفتو ليهـا
10 دقايق وصلو
كانت هي ومعاها بنات الغرفه و3 بنات من الجامعه
فرحت بشوفتهم شدييييييييد 😻😻😻😻
سلمت عليهم ومشيت جبت ليهم المويه والعصيـر
عفـراء قالـت لي عـروه وين؟ واماني؟
قلت ليها اماني ح تتأخر شويه، عـروه طلع قبل شويه وح يرجع
بدو يحكو لي عن الجامعه وكل شويه يسألوني ليه ما بداوم لكن عفراء بتغير الموضـوع ليهم
بدون مقدمات عـروه جاء داخل ما مفتكرهم ح يجو بالسرعه دي
انصدم لمن شافهم قاعدين 😹
قلـت ليـو اتفضـل اعرفك عليهم
هو ابتسم وكان شايل كيس في يدو، ختاو في تربيزه جنب الباب، وجاء سلم عليهم
استأذن منهم وشال الكيس ودخل غرفتـو
هم ما صدقو انو دخل الغرفه، وبدو تعاليق فيو
انبرشو لي في راجلي 😹😹🔪🔪
جاتني مكالمه منو استغربت ليه بتصل
