#بقلـمي: فــاديه محمــد الخالـــدي
غاده عاينت ليها قالت
"معروفه امنـه روشه يعني حاجه طبيعيه الحصلت دي "
... امـاني عاينت ليها وم ردت ليها
عـروه قال لي
#كدا احسن؟
*🥺اي
#طيب خلاص انتي كل شويه اعملي ليها موية بارده، ح امشي الصيدليه اجيب مرهـم واجي
*تمـام
...... امـاني قالت لي
#اتكشح فيك كيف؟
*ما ركزت
#والله ربنا يسامحني لكـن نسيبتك دي شكلها ناويه عليك، وهي السبب
*لالا م تقولي كدا، هي م عملت حاجه
#المهم انا حذرتك منها، اعملي حسابك بس
*حاضر
#ارح الغرفه
...... لمن دخلنا، متاب ومروج شافو يدي قالو لي مالك 😳
اماني قالت ليهم "قااااالو الشاي اتكشح فيها بدون قصد "
انا قرصتها
مـروج شكلها حست، طلعت من الغرفه مشت لامها
شويه كدا وعــروه جاء شايل مرهم عملو لي في يدي وطلع من البيت
قعدنا في الغرفه واي وحده ماسكه تلفونهـا
مع المغـرب انا دخلت المطبـخ كنت بقطع في السلطه لانهم م اتغدو، والبنات نايمين
جات غـاده داخله تعاين لي من فوق لتحت
نهائي م سألتها
لمن شافتني ما شغاله بيها قالت لي
#يـدك كيـف؟ 😏
*الحمدلله احسن 😊
#خلاص م دام كويسـه انا ختيت ملابس في الغساله، شوفيهم معاك لو نضفو طلعيهم المنشفه برا
*حاضـر اخلص السلطه اول
#خليها امشي وتعالي ما طايره منك
*كويس 🙄
............ مشيت طلعت الملابس للسلك برا لانو الشقه ارضيه يعني مساحة الحوش مريحه للحاجات دي
ما عارفه جابت الملابس دي من وين ياخ تقييييله
لمن خلصت منهم مشيت المطبخ لقيت عمو فاروق فاتح التلاجه لمن شافني قال
#بتـي تعمل في شنو؟
*جايه اخت ليكم الغدا
#ماف غيري انا وغاده، ما عارفه عروه وين؟
*لالا 😅
#عايز اقول ليك كلام بصفتي عمك وانك زي بتـي واكون صريح معـاك ... اي صح انو ظرفك صعب انو حيـاتك اتغيرت بالشكل دا لكن انتي وعروه مفروض بعد كدا تبدو تتعرفو على بعض اكتر وتدو نفسكم فرصه، كونو انكم تحت سقف واحد واي واحد فيكم في غرفه وتعاملكم ما اتغير دي حاجه م كويسه يعني فيما بعد ح تحصل حواجز بينكم اكبر ... انا فاهمك وحاولي انتي افهمي كلامي 😊
