هو دخـل وقفل البـاب لمن شافنـي واقفه قال لي مالك؟
قلت ليو عاين هنـاك وقبـل اتأكد من القدامي، هو قفل لي عيوني بيديو وقال لي امشي معـاي وانتي ساكتـه
لحـد دخلنا غرفتـي حتـى زح يديـو من عيونـي وطوالي طلع وقفل البـاب علـي
ما فاهمه حاجه وقلت ليو
*دا شنو وليه بتعمل كدا، افتح الباب 😒
#ابييييييييت
*ياخ افتحو ولا وريني ليه عملت كدا
#انا م عايز كلام كتير منك ... افتحي الدولاب ح تلقـي كيـس فيو حاجات ليـك ... جهـزي نفسـك عشان افتـح ليك الباب
*حاجات لي ؟
#ايوااا يلا اسرعـي قدامك نص ساعه اذا اتأخرتي ما ح يحصل خيـر 😌
*غياااااااااظ
......... فتحت الدولاب وطلعت الكيـس لقيت فستـان اسـود عليـو نقـش بسيط باللون الفضـي وجزمه رهيييبه بالاسود واكسسوارات بالفضـي 💚
مشيت وقفت جنب الباب وقلت ليو
*نحن طالعين ؟
#ما عارف لكن البسيهم
*ماف طرحه لكن
#ممكن الليله بدون طرحـه ما ح تدخلي النـار اذا راجلك شاف شعرك صح 🤨
*ما جادي انت
...... ما سمعت صوتو تـانـي
دخلت استحميـت وصليت حتى لبست الفستان سرحت شعـري تسريحه ظريفـه وشوية ميكب خفيف 🙈
هـو وقف ورا البـاب وقال
#كدا نص ساعه ومعاها 5 دقايق يلا ح افتح الباب
... كرر عبارة ح افتح الباب قريب 4 مرات
لمن فتح البـاب وشافنـي، ما قدر يتكلـم قريب ربع ساعه بعايـن لـي بـس 😹😹
قلت ليو اها جهزت انا يلا خليني اطلع برا اشوف في شنو
هو وقـف جنبـي ومبتسـم وقال مااااااشاءالله تبارك الله ، دا شنو الجمال الرباني القدامـي
انا م مصدق القـدامي دا ... كل شي فيك حلـو بطريقـه تجنن ، ربنا يحفظك لـي 😊❤️
... انا خجلـت ما قدرت ارفع عيني 🙈🙈
مسكنـي من يدي وقال لي تعـالي معـاي
لمـن طلعت برا كأنـي في فيـلم او روايـه 🥺
الهـول كلو عبـاره عـن شمـوع وورود وبروجكتر عليو صـورتي
دا غيـر الاكل مرتب بطريقه خرافيـه ❤️
انـا بعاين لكل التفاصيـل القدامـي دي
هـو وقف جنب البروجكتـر وتاني جاء وقف جنبـي وماسـك يدي، في اللحظه المسـك يـدي حسيت بحاجه غريبه وحلوه في نفس الوقـت
