فجـأه سمعنـا صـوت قـوي 💔
صرخت انا، متاب ضحكت قالت لي رعـد يا جبانـه
عــروه جاء طالع مستعجل قال في شنو مالكم بتصرخو 🙄
امـي قالت ليـو دي امونـه بتخاف من الرعـد
هو ضحك ضحكة استهتار وعاين لي بطرف عينو
متـاب قالـت ليو انت كمان اتبللت بمويـة المطـر
هو قال ليها لو كنت قايل انو الصرخه من الرعد ما كنت جيت 🙂
انا عايزه ارد ليو لانو قاصدني لكن اتمالكت نفسي ودخلت خليتهم واقفين برا
غيرت ملابسي وجففت شعـري، متاب جات تضحك قالت لي
#عايزه بطانيه، بردت انا
*غيري ملابسك اول
#حاضر اديني بجامه من دولابي
*اوكي
... اديتها البجامه وطلعت من الغرفه مسافة هي غيرت
نادتني جففت ليها شعرها
قالت لي
#ممممممم اسألك بصراحه؟
*اكيد
#انتي زعلتي من عـروه هسي؟
*ازعل منو ليـه
#طيب ليه معاملتكم مع بعض بالطريقه دي، انا لاحظت ليكم من اول يوم ما بتطيقو بعـض
*ابدا ماف شي لكن انا براي كعبه ما بحب اتعامل مع اولاد
#بس هو ودعمك
*ايوا لكن بالنسبه لي غريب ما حصل عرفتو قبل كدا
#مممممم قصدك نحن غرباء كمان
*لا العفو ما قصـدي لكن انا بحكي عن عروه لانو ولد
#ايواا فهمتك، بس نحن قاعدين نحن فتره وح نرجع تاني يعني اخلقو ذكريات حلوه
*متـاب جاتني فكـره 😻
#احكي
*بعد المطر ح يكون الجو ظريف، وفي مزرعـه في نهاية الحله، رايك شنو نمشي انا وانتي ومروج
#اااااكيييد، لكن مزرعه فيها شنو 🤔
*شجـر منقـه وشوية فواكه
#حااااضـر نمشي 💃🏼
... مروج جات داخلـه وكلمناها بالفكـره قالت اوكي
_______________
تـاني يـوم من الصبـاح صحيت بدري نضفت البيت وعملت كيك وجهزت الشـاي
لقيت عمي طالع
*يااا عمو صباح الخير
#صباح النور، ماشاءالله نشيطه ما زي الجوز اللوز النايم 😹
*😹😹😹 ، عايزه استأذنـك نمشي المزرعه انا والبنات، نرجع قبل الفطـور
#ما مشكله امشو لكن انتبهو لنفسكم، ح اكلم عـروه يرافقكم
