#بقلـمي: فــاديه محمــد الخالـــدي
جاني مازن قال لي ح يعقدو بعد الصلاه، جاهزه؟
قلـت ليـو
*عـروه ذنبو شنـو؟ 🥺
#كيف ما فهمتك؟
*احتمال عندو وحده في حياتو، انا ح اجوط ليو كل شي، و
...... قبل اتم كلامي عروه جاء داخل الغرفه، كان لابـس جلابيـه لونها اوف وايـت، وطاقيـه مع مركـوب لونو بنـي وساعه نفس اللون
انا رفعت التوب في راسي ونزلت عيوني
هو قعـد في كرسي قريب مني قال لي
#انا اتكلمت معاك ولو في موضوع بالشكل دا اكيد ح اكلمك، ما تختي في بالك وتفكري كتير، دا انسب حل لينا كلنا، ولا عايزه ابوك واخوك يكونو شاغلين بالهم بيك؟ 😊
... انا عاينت لمـازن وكان مستاء شدييييد
عيونو فيها كلام كتيييير لكن ابتسم عشاني
عــروه تاني واصل كلامـو
#لو في يـوم انا غلطت في حقك ممكن تجي تشكيني لاخوك ابو عضلات دا 😌
... مازن ضحك وضربو في كتفو قال ليـو الحبيب
انا اتلخبطت زياده، قلت ليهم خير ان شاءاللـه
ابـوي جاء داخل قال ليهم منتظرنكم وانتو هنا يلا اطلعو خلوني دقايق مع بتـي الحلوه دي
هم الاتنيـن طلعـو
ابـوي قعد جنبي وقبل يتكلم معاي، انا بكيت وحضنتو 😭
هـو بحاول يتكلم لكن حلقو كأنو اتقفل وصوتو ما عايز يساعدو، قال احححم
قلت ليو
*انا مشوشه يا ابـوي، يعني بعد يومين ما ح القاكم قدامي حتى ما ح القى بيتنا واهلي 💔 ... حياتي كيف تكون لمن تتغير التغيير دا ... عايزه امي 😭
... هو طبطب علي بحنيه ومسح لي دموعي قال
#امـك معـاك ونحن معاك ... انا عارف موقفك صعب لكن اكيد ربنا عندو حكمه في الحصل دا كلو ... عايزك تكوني قويه عشانك وعشانا، والحمدلله انو عروه هو صاحب النصيب لاننا عارفنو انو كويس ما ح يقصر معاك ، ح اكون مرتاح طول ما هو في حياتـك ... وكلي امرك للـه بس
*حاضر 🥺
...... في الاخر باسني في راسي وطلع
جوني خالاتي وعماتي قعدو معاي اما غـاده عامله نفسها مـشغوله في المطبخ
بعد نص سـاعه سمعتهم قالو عقدو، خالاتي عملو بيت عزا من اول وجديد
كيف ما يعملو كدا وامي ما بينا 💔
_______
بعـد المغـرب كنت في غرفة امي بقرا في سورة البقـره جاني عـروه
