#بقلـمي: فــاديه محمــد الخالـــدي
هو جاء داخل شايل اكياس دخلهم المطبخ وناداني
مشيت ليو قال لي
#هاك الورقه دي
*فيها شنو 🙄
#راجعي اللسته بتاعت الحاجات الجبتهم اذا في حاجه ناقصه عشان ارجع اجيبهم، مش قلتي بكره صحباتك جاينك
*ممممممم حاضـر
#قلتي شنو؟
*حاضر 🙄
#سبحـان اللـه، المهم انا عندي مشوار احتمال اتأخر
... انا واقفه بعاين ليو، هو قال لي
#امنـه انا منتظرك تشوفي الورقه وتكتبي لي الناقص ع فكـره 🙄
... احرجني الكريه 😅💔
فتحت الورقه لقيت زي حاجاتين تلاته ناقصين
كتبتهم ليو
هو شال الورقـه ودخل غرفتو
امـاني جاتني قالت
#مالو؟
*جاب حاجات عشان بكره صحباتي جايات
#طلع بفهم 🙊
*ساعديني ارتبهم
#خليهم ح ارتبهم انا، انتي ختي ليو الفطور
*ما ح اختو ليـو، لو جعان ح يجي ياكل براو 😒
#انا مالي بيكم، زحي كدا خليني اشيل الكيس دا
...... هو تاني نادانـي
طلعت لقيتو استحم وغير ملابسو وطالع
قال
#اي حاجه عايزاها كلميني بيها ما تطلعي من البيت
*طيب
#اقفلي باب الحوش بالمفتاح
*طيب
#يلا سلام
...... جاتو مكالمـه وطلع طوالي
___________
العصـر قاعديـن برا في الحوش مع جمال الورود البفتح النفس، جاتني مكالمه منو
*الـو
#كيفك؟
*الحمـدللـه
#قبيل نسيت الورقـه في جيب البنطلـون، ما متذكره الحاجات الناقصه شنو؟
*لالا
#طيب ممكن تمشي الغرفـه تشوفيـهـا
*حاضـر
... مشيت غرفتـو لقيت البنطلون معلـق، دخلت يدي في الجيب لقيت الورقه لكن معاها حاجه
طلعتها " اسـوره "
رجعتها مكانها ، قلت ليو
اي لقيت الورقه
وريتو الناقص وقفلت المكالمه
