موية المطر

24

اتصلت ع عـروه عشـان اتأكد من باقـي التجهيـزات بس شكلو مشغـول

سمعتو بقـول "امسك مازن، امسك مازن "

وصـوت جلال يضحك قال

"كنت وقعـت "

قلت لعـروه

*رد لي، في شنو؟

#لالا ماف شي، دا مـازن مع موضوع الخيمـه، طلع في كرسي مكسور لو ما مسكو جـلال

*ممممشششم غايتو شليق خلاص

#اختـو منو 🙊

*😹😹 حرام عليك يـاخ، الليله بالذاااااات ما تشغلها وتخرب لي مزاجي

#ليـه في شنـو الليله 🤔

*زواجـي من قـرة عينـي 😌

#عليك الله؟ الف مبروووك ياخ

*الله يبارك فيك، عقبالك 😹

#انا مكتفـي بيـك انتـي لانك البدايه والنهايـه بالنسبـه لـي ...💚🌸

*الله يخليني ليك 😌

#😹👊يلا من هنا

*😹 دقيقه، كنت عايـزه اسألك ح تبدا الحفله متين بالظبط عشان ابدا اجهز

#بعد صلاة العصـر طوالي

*غايتو قاطع ليك زمن من راسك

#عاينـي انا عايـز اسوق مرتـي منهم بدري ، ونسـافر ع طـول ان شـاءاللـه، ولا انتي ما نفسك كدا؟

*لالا معااااااك، لو ما عايز تعمل حفله ماف مشكله، انا عندي كم عـروه 😌

#😹 مرات بتفهمي ،يلا ما تشغليني يابتـي

*حاااااضر

............ قلـت لمـروج قال بعد صـلاة العصـر

قالت لي خلاص بعد ساعه نبـدا الميكـب طوالي

... جاتني مكالمه من ابـوي قال جاييني

بعد 10 دقايق

جاء كـان لابـس جلابيـه ومعاها مركوب وعمه وشال وسـاعه ... سلم علي في راسـي وقعدنـا نتكلم عن عـروه ...🙈❤️

لحـد قـال لـي:

#انـا كنـت حاسي انو علاقتـكم فيها توتـر لكن ما حبيـت اتدخل لانـي واثـق انك ح تقـدري تتعودي ع عـروه وح تفكـري فيو كـزوج ليـك، احترامو وأدبـو وشخصيتـو ح تخليك مرتاحه معـاو ... يابتـي انا عايز شنو من الدنيـا غيـر اشوفك مرتاحه ومبسـوطه وحيـاتك مستقـره مع الـزول اليصونك ويقـدرك ويشيلك في عيـونـو ... بدعي ليك ليل ونهـار انـك تقـدري تـواصلي حياتك بعد وفـاة امك ربنا يرحمهـا ، في الاول خوفـت انك توقفي كل شـي لكـن الحمدلله ربنـا كتب ليك عـروه عشـان تصـلي للقناعه الانتي فيها حاليا بانو كل شي ح يستمـر لانو دي سنة الحيـاة ... العـايـزو منك انـك تحفظـي زواجكـم وتكوني داعمـاو في قراراتو الصـاح عشان تشوفيو في مراتب عاليه من النجاح ... اوعي تدخلـي طرف تالت في علاقتكم مهما كان ومهما حصل لانو المشاكل بين الزوجين هم براااهم البعرفـوها وهم البحلوها بينهم ... وانتي كمـان ركزي مع اهدافك وطموحاتك عشان تفتخري بنفسك وهو يفتخر بيك ونحن كمـان ... وخليـك قريبه من ربنـا ومتوكلـه عليو في كل خطـوه، واتذكري انو نحن معاك اذا احتجتي لينا في اااااي زمـن ح تلقينـا جنبـك ... ربنا يسعدكم ويقسم ليكم الذريه الصالحـه ...💚🌼