المسـاء كنا نرتب في الشنط انا واماني، دخلت الحمام لمن طلعت لقيتها مافيشه في الغرفـه
طلعت الهـول لقيتها هي وعـروه يتناقشــو
قلـت ليهم مالكم بسم الله 🙄
عـروه قـال لي
#بـت خالتك المجنـونه دي قالت اعمل حفلات حنه لي من قبـل اربعه ايام للعـرس، كأنـي انا فايق 😒
... امـاني مسكتني من يدي وقعدتنـي جنبو قالت
*هــووووي مش انتو عايزين تعملو عرسكـم في الحله معناه ألتزمو بكلامـي ... انت يا استـاذ عـروه تعمل 3 حفـلات، وانتـي 3 حفـلات وما عايزه اعتراض 😌✋🏻
...... انا عاينت لعـروه لقيتو بعاين ليها مستغـرب، قلت ليها
*طيـب يا امانـي افترضي اننا عملنا 3 حفـلات زي م ما انتي بتقولي، اهلنا ح يكونو مع منو، وح نعملها وين 🤔
... اماني قعدت واتمحنت قالت
#صحي واللـه، انا زاتي ارقص هنا ولا هنا؟ خلاص يا عـروه عفيتك منهم، تعال اعمل وحده بـس
...... عـروه ضحـك وقال لي قدرتي تقنعيها 😹
اماني حاكتـو ودخلت الغرفـه
هـو مسـك يدي وقـال
#بالجـد ح نتـزوج يعنـي 🥺
*اليسمعك يقول م متزوجيـن 😹
#اي م متزوجيـن
... انا سحبـت يدي منـو وقلت ليو
*بالمناسبـه ممنـوع تاني تمسك يدي الا يوم العـرس ، وبعـد بكـره ح اسافر وما ح تشوفنـي 😌
وطوالي دخلت الغرفه خليـو محمر لي 😹
______________
يـوم كنا مسافـريــن ما خليت وصيه م قلتها ليـو (اكل كويس، ما ترهق نفسك، نوم بدري، اقرا جزء من القران الكريم كل يـوم ، ...... الخ)
وهـو زي الشافـع الفالح يقول لي حااااضر ويضحك
مستهتـر خلاص 😹👊
...... وصلنـا الحلــه الصبـاح بدري وجينا مارين بالمزرعـه، هو وقف العربيـه قـال لينا انزلـو
اماني قالت ليو والله انا بردانـه امشو براكم خلوني في العربيـه دي
...... ابت تنزل العنيده 😒
دخلنـا المزرعـه اتمشينـا مسااااافه وهو يذكر فيني يوم جرحت رجلـي ،قلت ليو
*من يومك بتهددني، قلت لي تقومي ولا اشيلك كمان قدام اخواتـك 😒
#كويـس انـك ذكرتيني لاني ما نفذتها زمان، ممكن هسي انفذها 🌝
*اووووووعـــى يا عـروه اوووعـى
