#بقلـمي: فــاديه محمــد الخالـــدي
انا بتكلم وبحكي ليو عن مازن اخوي، هو مندمج ولمن انا اضحك بلقاو كمان ضحك 🙈💚🌼
بس ما عارفه انو كل حاجه ح تتغير فجـأه 💔
انتبهت ليو كل مره بتلفت وراو (يعني للزول القدامي) وبشبك يديو مع بعض
قال لي
#ممكن تبدليني وتقعدي هنا
*ليه 🙄
#ممكن؟
*حاضـر
... بدلتو ومواصلة في كلامي
(نفس الزول جاء قعد قدامي) ، تاني عـروه قال لي بدليني
في المره التالتـه قام مشى ليـو
م فهمت الحاصل الا بعد صوتهم عـالي، وعروه ضرب الولـد
وجاء مسكني من يـدي وطلعنا من المحـل
ركبنا العربيه وكان زهجان شدييييييد
طلع بينا شاره الهواء يعنـي ببـرا مع انو م شارعنا خالص
سايق بسرعه وبتكلم براو
#دا شنو السخيف الاهبل دا ... طلع من بيتو عشان يعاين لبنات الناس ... لا وعينو قويه كمان لدرجة يبدل مكانو ...متخخخخلللف ناقص تربيـه ... نوع دا يستاهل قتل ما ضرب ... الله يطلع عينو ... والله لو ما مكان عام كنت طلعت اهلو الكلب دا ... عالم تجيب المرض ... وووووو الــخ
... انا ساكته وبعاين ليو، يعني بزهجـو دا لو سمع كلمه من اي زول ممكن ينتهي منو
خوفنـي صراحه ما شفتو بالحاله دي قبل كـدا
... يوصل اخر محطه مع تقاطع اليرموك ويرجع تاني لحـد لفة السوق المركـزي
ويتكلم ويتكلم ويتكلم
جاتـو مكالمـه من رقم غريب ما رد
قريب 3 مرات التلفون برن
هو مسك تلفـونو قفلو خالص قال "انا م ناقص غير ارقام غريبه " 😑
راق شويـه ووقـف العربيـه، عاين لي وقال
#مالك ساكته؟
*🙄 انا
#معليـش ما قصـدي لكن ما قدرت اتحكم في نفسي
...... انا ركزت مع كلمة معليش ، اول مره يقولها 😹
قلت ليو
*ما مشكلـه الحصل حصل لكن الموضوع شنو وليه ضربتو 🙄
#كان بعاين ليك و
... لمن قال عبارتو دي سكت واتوتر ، انا زاتي استغربت يعني يضربو بالطريقه دي لانو بعاين لي؟ !!!!!
هو طوالي حاول يغير الموضوع قال
#الطلعه م ح تخرب بسببو، في محل تاني في العمارات ح نمشي ، رايك؟
