ما قدرت اسألـو عشان م اضغط عليو لكن في نفس الوقت عايزه اعرف المشكله الحاصله معاو وكان بتكلم مع منـو ؟؟؟
...... بقيت افتح ليو في مواضيـع عشان م اخليو يفكر كتير
فجـأه قال لي
# نرجع البيت؟
*اوكي
...... رجعنـا البيت وما جاب لي سيـرة الاكل نهااائي، ظاهر ما عندو نفـس
صليت العشـاء ومشيت ليو في غرفتـو
لقيتـو راقد وبعاين للسـقف، قلت ليو احم ممكن ادخل؟
هو قعـد وقال لي تعالـي
... وقفـت قدامو قلت ليو
*انا جعانه ومنتظراك تاكل معاي
#انتي اكلـي، لبعدين ح اكل انا
*ممممم حتى لو قلت ليك ما ح اكل بدونك !!!
#معليش
*عليك الله
... هو كشـر وقال
#يـاخ قلـت ليـك ما عايز، مالك مصـره، لو جعـان ح اكل، ليه بتضغطي علـي ما ممكن ضغط من كل مكان
...... انا استغربت في ردة فعلـو، هو شات التربيـزه وضرب يدو بالحيطـه
مع اني خـوفـت من ردة فعلـو دي لكـن باين انو متضايق شديييد
اتقـدمت عليو خطوتيـن وختيت يدي ع ظـهرو
هو زحاها لي
مسكـت يـدو وقلـت ليو روق لكـن هـو مواصل يضربها بالحيطه
وقفـت قدامـي وحضنتـو قلـت ليو
"روووق روووق، خلاص كل شي ح يعـدي ما تضـايق، انا معاك ما ح اخليـك وماف حاجه ح تفرقنـا، رووق عشاني انا، عشـان امونـه حبيبتك وبتك واختك ومرتك وصحبتك ... بحبـك يا قلبـي "
هـو راق شويـه وقال
"ما ح تتخلي عنـي لاي سبب صـح؟ "
... انا زحيت منو وختيت يدي على وشـو قلت ليو
*عاين في عيـوني يا عـروه، شايف فيهم شنـو؟ 🙄
... هو بتهرب بعيونو لكن لمن شافني بعاين ليو
قال لي
#انك بتحبيني
*طيب الزول البحب زول ح يتخلى عنو كيف يا اهبـل ... انت كل حاجه بالنسبه لـي ومستحيل اوقف عن حبك وما ح اتخلى عنك اطمــن وخليك واثق فينـي
...... هو حضنـي وقال
#عليك الله مهما كانت الاسبـاب ما تخليني، ما بقدر اعيش بدونك 😓
*لو انت خليتني ما ح اخليك، وح اجننك في حياتك وما ح تتحل مني 😌
...... هو ضحك وقال لي
