"امونه لاااااااااا "
اتلفت شايفه العربيه بسرعه جايه علي ، ما عرفت اتصــرف
الناس كلها بقـت تصـرخ 💔💔💔
غمضت عيـوني وختيت يدي على وشـي
سمعت طااااااااااااخ 🗯️ ، والناس بتقول لا حول ولا قوة الا باللـه
وفي زول جرانـي من يـدي
شفـت في ناس كتيره جزء منهم جنبي، والجزء التاني مع بتاع العربيـه
عفـراء تصـرخ وتبكـي وتحضن فينــي
انا م حاسه بحاجه وسامعه صوتها بعييييد
في واحد جاب لي مويه
لمن استوعبت للحصـل، قلقت علي بتاع العربيه م تكون حصلت ليو حاجه
قلت ليهم عمـو بتاع العربيـه كويس؟
قبل اتم كلامي، شفـت ولـد طويـل، حلبـي، ملتحـي، لابس تشيرت رمـادي وشـورت اوف وايـت
جاااايط وجاي علـي، قال ليهم دي هي؟
انا قاعده وبعاين ليو
قلت لعفـراء "ما تقولي لي ابوعضلات دا هو عمو بتاع العربيه 🙄"
عفراء دموعها في عيونـها قالت لي "عمو شنو، دا بكون عمرو في التلاتين "
هـو بحمـر لـي قال
#انتي غبيـه ولاشنو؟ مالك عميانـه ما شايفه العربيه؟ نوعك دا سبب الحوادث، هسي لو جاتك حاجـه اشيل ذنبك انا؟ مستعجله لاحقه شنو يا استـاذه 😑
... انا وقفت وكنت قصيره معاو، قلت ليـو
*اولا انت الغلطـان م انا ، ثانيـا يا محترم خلي عندك اسلوب، مستعجله ولا يحزنون دي حاجه راجعه لـي ، اذا م بتعرف تسوق دي مشكلتك ما مشكلتي، وبعدين تجيني حاجه او لا ماف زول قال ليك شيل ذنبي 😒
......... الناس الواقفـه بحاولو يسكتو فينا، ونحن نتناقش
هو قال
#I feel upset with you, and talking to you is a waste of time 😒
الترجمه: ((أشعر بالضيق منك ، والحديث معك مضيعة للوقت ))
... عفـراء قالت لي
#دا بقول في شنو؟
*والله م فهمتو لكن شكلو بنبز فيني لانو نبرة صوتو بتقول كدا
#سجمك الليله بعفصنا في مكانا دا بعضلاتو دي
*عايني هو شكلـو زاتو ما ناوي ع خيـر، عشان كدا احسن ما نسكت ليو
...... هو بعاين لي من فوق لتحـت، جاتو مكالمـه قال
"انا ح اتأخر امشي قدامي ، العربيه معاي لكن في وحده غبيه طلعت قدامي عايز اعمل حادث بسببها ... لا ما حصلت حاجه، بالجد والله، اوووكي ح اشوف سحاب اوديها الصيـانه ولو لقيت زمن ح اجيكم، اوووكي ان شاءالله)
