#بقلـمي: فــاديه محمــد الخالـــدي
هو فجأة قال لي
#انا عارفك بتفكري في شنـو
...انا نزلت الكبايه من يدي، قلت ليو
*شنو 🙄
#انو الليله ما طالع 🤨
*اهاااا، البيت بيتك ،اخد راحتك
#امنه صراحه عايز اتكلم معاك في مواضيع كتيره
*اتفضل
...... جاتو مكالمه، قال لي استـأذن وطلع الحـوش
، ح يكون عايز يقـول لي شنو 🤔
فضول منـي اتوترت
في الاخر شلت الكبايه دخلتها المطبخ وفي شباك فاتح ع الحـوش
وشكلو بتكلم وحايم
سمعتـو قـال
#اها اعمل شنو، بحـاول معاها والله لكـن ما عارف مرات بزهج فيها غصب عنـي ... اي عارف ما ذنبها ولو في مكانهـا ح اتصرف كدا لكن الحصل حصل مفروض تتأقلم
... انا قفلت الشباك وما حبيت اسمع باقي كلامـو، باين انو بحكي عن حبيبتو وعايزها ترجع ليـو 💔
طلعت نضفت الهـول قبل هو يجي راجع، وعايزه ابدا غرفتـي
هو جاء، قال يا امنه وين مشيتي
ما اشتغلت بيو كأني ما سامعاو
جـاء وقف جنب باب غرفتـي قال لي
#امنـه عايز اتكلم معاك
*.........(ما رديت ليو)
#ممكن تسيبي الفي يدك وتجي
*.........
... هو جاء وقف قدامي وشال الملايه من يدي وختاها في السريـر، عاين لي في عيونـي قال
#مالك في شنـو؟
...عايزه امشي انا، فقام مسكني من يدي، قال
#حصل شنو مالك يابت 🙄
... انا فكيت يدي منو ، قلت ليو
*انا عارفه انو ما ذنبـك تكون معاي تحت سقف واحـد، وانا ما ذنبي وكلمتك طلقني خليني امشي لابـوي ولا خالتي لكن انت مصـر اني اكون هنا ... ومعاملتك مستحملاها عشان م تحصل مشاكل ليك بسببي لكن لمتين؟ وحبيبتك العايزها ترجع ليك وهي رافضه كلو مني انا صح يلا طلقني للمره الالف ما تسجن نفسك معاي وتكسرها هي اكتر ... انت قعدت في السودان هنا عشان قرارك تتزوجني ولا عشانها هي؟ ... انا ما عملت ليك حاجه للدرجه دي ما عارفاك ما طايقنـي ليييه 😭
... هو بعاين لي مصـدوم من كلامي ما قال حاجه غير
#ما تبكي مل تبكي
*وجع فراق امي معاو معاملتك لي ياخ انا بني ادم ،ليه ما عايز تراعي لي ... بعد قلت خلاص ح اشغل نفسي بالجامعه، جيت انت منعتني وياريت لو بسبب منطقق، لااااااا، عناد منك بس، بتعاقبني على قرار جاء منك، ما دام ما قـادر تستحمل نتيجة قراراتك ليييه اتهورت وقلت ليهم ح اتزوجها؟ ليييه جيت اقنعتني ليه كذبت علي؟ لييييه لييه 😭
