#بقلـمي: فــاديه محمــد الخالـــدي
*ح توديني ولا اشوف لي عربيه
#اهاااااااااا، طيب ح اوريك ح اعمل شنو دقـايق
...... طلع تلفونو من جيبـو واتصل ع عميـد كليتنـا قال ليو انو امنـه ما ح تنزل السميستر دا لانو عندها اسباب واحسن تجمـد
... انا مصدومه من كلامو،ساكته وبسمع فيو، المكالمه كانت قريب نص ساعه
هو خلص المكالمـه قال لـي
#اها ح تمشـي جامعه تاني كيف وانتي بقيتـي ما طالبه فيها 🤷🏽♂️
... نهائي م اتكلمت معـاو وما رديت عليو
هـو قال
#زي ما انتي مجبوره على الزواج دا، كمان انا مجبـور، وع فكـره انا مرتبط وفي بت قلبها اتكسر بسبب اني ما عايز اخذل ابوي وعمي ومازن ... وحاولت اتعامل معاك زي الخلق لكـن ما مقدره حاجه انتي وعايشه في جوك الما مفهوم دا، وطول ما انتي كدا معناه ما تنتظري مني غير المعامله دي ... عندك ظرف اووكي ع العين والراس بس كمان انا حياتي اتغيرت بسبب القرار دا ... من هنا ولقـدام ما ح اعاملك غير بت عمـي بسسس وما تجي يوم تشكي لي من معاملتي ... جامعه ماف ليـك وبتمنى تتأقلمي على حياتك الجديده دي، ولـو على ابوك واخوك وابوي ح تقولي ليهم انك م جاهزه تواصلي جامعه حاليا ، نشوف لمتين عنادك دا ينتهي 🙂
...انا بعاين ليو في عيونـو وكان زهجان شديييييييييد وجادي في كل كلمه، خوفـت ارد ليو فيقوم يتهـور اكتر
سكتـا وفتحت باب العربيه قعدت وببكـي
هو واقـف برا وجاتو مكالمه ما عارفه من منو لكن ساعه وشويه هو بتكلم بزهـج ونرفـزه
... يعني كلام امـو صاح؟ طيب ليه هو قبا العقد قال انو ما عندو وحده في حياتو؟ يعني البت قلبها اتكسر بسببي؟ 😭😭💔💔
بفكر وببكـي
المطـره نزلت فهو جـاء فتح باب العربيـه وركب سماعاتو وساق العربيـه ،عاين لي بطرف عينو قال
#ح تبكـي لمتين؟ وح تستفيدي شنو ؟ الحصـل حصـل خلاص
... ما اشتغلت بيو لحد وصلنـا البيت
وقف العربيه قال لي
#لو زول سألك قولي انك ما قادره تكملي جامعتك حاليا
... انا حمرت ليو ونـزلــت من العربيـه، قعدت في العريشـه برا وببكـي
جاني قال
#ما شايفه المطـر دا ؟ ح تمرضي قومي ادخلي جوا
*ما عندك شغله بي، ان شاءالله اموت ما يخصـك
#ما ح تموتي من مويه لكن ح يمسكك التهـاب بـس
*ويهمك في شنـو
