عروه طالع وراها لكن وقف، اتلفت علي وقال
لو انتبهتي لنفسك اكتر يكون احسـن، م كل يوم حاصله معاك حاجه
...انا سكتا منو ما رديت عليـو
طلع هو
حيرني يعني هو منو اصلا عشان يعمل نفسو بنصحني 😒
... متاب جـات قالت لي
#عــروه مشى؟
*اي مشي معاك طوالي
#مممممم، انتو ليه مصرين انو ماف حاجه
*لانو بالجد ماف، نعست انا
#من البكا الكتير 🙊
*😹😹 كلبه يلا من وشي
#افطري اول
*م عايـزه، ح انوم ولبعدين ح اكل
#خلاص دقيقه م تنومي، مروج تعمل في عصير منقه ظاااابط
*😹يعني انتي مصره
#ايوووا 🙊
*طيب حاضـر
... مروج جابت عصير شربتو ونومت
صحيت بعـد الظهـر ، صليــت وبقيت افتش ع امي ما لقيتها لا هي لا غاده
اما متاب ومـروج نايمين
مشيت المطبخ ورجعت الغرفه
قـريت ســورة البقـره بعد خلصت دعيت ...🌼💕
سمعت صوت امي جات
مشيت ليها
*وين انتي ، كنت بفتش عليك
#رجلك بقت كيف؟
*كويسه الحمدلله، اتعودت رجلي علي 😹😹💔
#والله انا م شايله هم غير اني امشي من الدنيا دي واخليك وراي برواشتك وشلاقتك دي
*ما تقولي كدا، بعد عمر طوييييل 🥺
...غــاده قالت ليها ان شاءالله ربنا يطول بعمرك
... امـي ضحكت قالت الموت حـق
تلفون غـاده رن
قالت
"اي اتصلت ليك م بتـرد، ايواا كويس قربت توصـل معنـاه ،خلاص تمام لمن تصل ارجع لي، محمد رسول الله "
امي قالت ليها لسه م وصل؟
غاده قالت ليها قرب
... انا نسيت انو عـروه مسافر الخـرطـوم، قلت ليهم منو؟
غاده قالت لي عــروه سافر الخرطوم
انا سكتا، امي قالت لي ما تقيفي كتير امشي اخدي راحتك
دخلـت الغـرفه لقيت مروج صحـت تتكلم بالتلفـون
عايزه اطلع، قالت لي خليك م تمشـي
