أنتِ دوائي - مكتملة

الفصل ١٤ - الهدية

كرباج سعادة وقلبي منه إنجلد ...
رمح كأنه حصان ولف البلد ...
ورجعلي نص الليل وسألني .. ليه؟؟؟
خجلان تقول إنك سعيد يا ولد ...
وعجبي ...

- صلاح چاهين -

~~~~~~~~~~~~~~~~~~~~~~~~~~~~~~~~

بسنت: السلام عليكم يا مدام فاطيما
فاطيما وهي تجز على أسنانها: وعليكم السلام أهلاً
كاسندرا بدهشة: أهلا بحضرتك
بسنت بتساؤل: خير يا مدام فاطيما؟؟؟ في حاجة؟؟؟
فاطيما: ما المشكلة إن مفيش حاجة
تبادلت بسنت وكاسندرا النظرات ...
بسنت: مش فاهمة حضرتك تقصدي إيه؟
فاطيما بحدة: بقالكم ٣ أسابيع داخلين طالعين في البيت وفي المدرسة والبنت مفيش جديد .. مفيش كلمة مفيش أي حاجة لا في البيت ولا في المدرسة!!!!
تنفست بسنت بعمق: حضرتك دفعتي أي مصاريف لحد دلوقتي؟؟؟؟ أو حد طالبك بأي مصاريف؟؟؟؟
فاطيما بتردد: لا
بسنت: طيب حضرتك حد مننا حددلك مدة معينة بعدها جومانا هتتكلم وترغي وأصحابها يفضلوا داخلين خارجين وهي داخلة خارجة معاهم!!!!!
فاطيما بقلق: لا محدش قال حاجة
بسنت بحزم: طيب حضرتك تحبي إيه دلوقتي .. تحبي نمشي وحضرتك تشوفي حد غيرنا وللا إيه بالظبط؟
فاطيما بحده وتردد: آيوه أنا شايفة إنك.........
قاطعتها جومانا مبتسمة: HI, how are you? You're super late
بسنت مبتسمة: so sorry بس مامي كانت بتتكلم معانا
جومانا: are you done or not yet؟
نظرت بسنت بثقة لفاطيما المندهشة: قولتي إيه يا مدام فاطيما .. نيجي في وقت تاني على ما تخلصوا مشواركم وللا حضرتك هتلغي مشوار النهارده!!!!
نظرت فاطيما بدهشة لبسنت: لا تقدروا تطلعوا مع موني
كانت الدهشة بادية على وجه كاسندرا بنفس درجة دهشة فاطيما ...
كاسندرا بدهشة هامسة: مش فاهمة!!!!!
بسنت بثقة هامسة: إهدي على نفسك .. مش دلوقتي

جلست الفتيات في غرفة جومانا كالمعتاد ... وكالعادة جلست جومانا تعبث بمحمولها مما زاد من دهشة كاسندرا ...
بعد عدة دقائق أشارت كاسندرا لبسنت لمشاهدة فيديو ما بمحمولها ... بعد أن شاهدتا الفيديو سوياً

كاسندرا: أُمنية حياتي أحضرلها محاضرة in-person
بسنت مازحة: ومش عارفة تحضري ليه؟ مش معاكي فلوس الكورس!!!!! أسلفك!!!!
كاسندرا بشئ من الحزن: عشان نفسي أحضر معاكي
بسنت مبتسمة: حبيبتي .. أنا مبسوطة كدا وتمام أوي
كاسندرا بإصرار: يابنتي الشهادة بتاعتها هتخليكي معتمدة دولياً
بسنت بإقتناع: مش لازم أكون معتمده دولياً .. أنا مبسوطة مع الدكتورة إللي بتعامل معاها وبتعلم منها وتمام .. روحي إنتي إحضري وخدي شهادتك وإعملي المركز
كاسندرا مقطبة جبهتها: إنتي عايزاني أروح أحقق حلمك وأتفرج عليكي قاعدة كدا!!!!! يعني ولا ماجستير ولا شهادة معتمدة!!!! طيب وبعدين!!!!!!!
بسنت متنفسة بعمق: كله بأوانه

كانت جومانا تتابع حديثهم وهي تتظاهر بانشغالها بمحمولها ... لكنها لم تستطع أن تكبح جماح إندفاع المراهقة ...