وتظل ...
بين الورق وقلبي ...
يقرأونك ...
سطرًا وأنت بداخلي رواية ...-منقول-
~~~~~~~~~~~~~~~~~~~~~~~~~~~~~~~~
في الصباح الباكر إضطر هادي لتنفيذ أمر خاله ...
تناول الجميع إفطارهم سويًا ثم إتجه كل إلى وجهته ...في مديرية الأمن ...
مكتب مكافحة المخدرات ...
وائل مبتسمًا: بتعمل إيه بدري كدا؟
هادي بتنهيدة يأس: والله يا أنكل أنا تعبت من قريبك دا إللي مطلع عينينا كلنا
تامر متظاهرًا بالغضب: ما تظبط يا بني .. أنكل دي في بيتكم مش هنا
هادي بلا مبالاة: ما إحنا لسه قبل مواعيد العمل الرسمية
قهقه وائل: وإحنا عندنا مواعيد رسمية وغير رسمية!!!!!!
تامر ضاحكًا: نسخة من خالك .. يخربيت شياطينك
وائل بجدية: طيب بص بقى .. إنت عارف إن النقل بيتنفذ النهاردة .. وإحنا جايلنا نقيب جديد
تامر برجاء: دي جاية من عند هدير .. تتعاملوا معاها كويس .. أنا مش ناقص وجع دماغ
هادي ضاحكًا: يا عيني ع الرجالة
تامر متظاهرًا بالغضب: طيب عقابًا ليك إنت إللي هتبقى المرشد
هادي ممتعضًا: محسسيني إني خريج سياحة وفنادق وبتشغلوني مرشد سياحي
تامر ضاحكًا: لا .. المتحدث الإعلامي
رن جرس هاتف المكتب فأجاب وائل: تمام خليهم يدخلواطُرق باب المكتب ...
وائل: إدخل
دلفت هدير تؤدي التحية العسكرية ...
وائل مبتسمًا: أهلًا أهلًا سيادة العميد
هدير بإبتسامة: أهلًا بيك يا فندم -ثم إلتفتت لهادي- عامل إيه يا هادي؟
هادي مبتسمًا: الحمد لله تمام
تامر ضاحكًا: والله لسه بقولهم هتلاقوا هدير جايه بنفسها
هدير مبتسمة: طبعًا لازم أجي بنفسي .. دا إنتوا واخدين چنى توفيق بنتي الكبيرة -أشارت لچنى- تعالي يا چنى
أدت چنى التحية العسكرية: تمام يا فندم
كان هادي يرتشف القليل من قهوته حين سمع صوت چنى ولمح وجهها ... أخذ هادي يسعل من الصدمة
هدير بقلق: مالك يا هادي!!!!
هادي وهو يسعل: مفيش .. شرقت بس
لم تتأثر ملامح چنى بوجود هادي ... كانت على حالها من الجدية ...وائل مبتسمًا: منورة يا چنى .. أهلًا بيكي معانا
چنى مبتسمة: شكرًا يا فندم
وائل: بابا وماما عاملين إيه؟
چنى: الحمد لله تمام
وائل: زمان زمايلكم وصلوا .. قوم يا هادي مع چنى خليها تشوف المكان وتتعرف على الفريق
هادي وهو ينهض يؤدي التحية العسكرية: تمام يا فندمإصطحب هادي چنى لتتعرف على المكان ... وصلا إلى أحد المكاتب فدلفا داخله ...
هادي: صباح الخير يا رجالة
أحد الرجال: صباح الخير يا هادي باشا
رجل أخر: وجه جديد يا فهد باشا!!!!
هادي واضعًا يديه في جيبا بنطاله: النقيب چنى .. أول يوم ليها معانا
قال أحد الرجال: نقيب سامي وجدي
قال أخر: ملازم أدهم الفوّال
وأخر: ملازم أحمد شرف
چنى: أهلًا وسهلًا
سامي وهو يجلس على مقعده: مش هنفطر وللا إيه يا باشا
هادي وهو يجلس خلف مكتبه: أوامر يا باشا .. شوف تحب إيه وياللا بينا
عقدت چنى حاجبيها مندهشة: كنت عايزة أشوف الچيم -ثم أضافت لتكيده- وبعدين إنت مش لسه فاطر من شويه .. لحقت تجوع!!!!!!
أنت تقرأ
أنتِ دوائي - مكتملة
Roman d'amour♡ رواية مكتملة ♡ من عالمين مختلفين وفي ظروف معقدة يلتقيان ... فتاة بسيطة مسالمة قوية الشخصية حنونة ... تهتم ببناء شخصيتها ومستقبلها العلمي والمهني ... شاب ثري معقد غاضب قاسي لا يثق بأحد مهما كانت صلته به ... غير مبالي بشئ لا يهتم سوى بعمله ... هل يل...