စပါး နဲ့ နွား နဲ့ အညာသား
~~~~~~~~~~~~~
(၅)
“နွားနို့ တွေ ဘာလုပ်ပစ်သလဲဟင် “
ထားထားဦးက မေးတော့ ကြီးဒေါ် သန်းက
“အောင်မယ်လေး ဘာမှ မလုပ်ရသေးပါဘူးအေး၊
တောသွားတဲ့လူတွေ ထမင်းထုပ်ပို့ဖို့ အကြော် ထိုင် ကြော်နေတာ ၊
နွားနို့ခဲ လေး လုပ်ဖို့အရေး စောစောကပဲ မြကျော် ကို မရိုးပင် သွားခုတ်ခိုင်းတာ အခုထိ ပေါ်မလာသေးဘူး ၊
ဒိန်ခဲ လုပ်ဖို့အတွက်ကတော့ ကျိုပြီ စဉ့်အိုးကြီးထဲ ထည့် နေပါရဲ့..”
“နို့ခဲ နဲ့ ဒိန်ခဲ မတူ ဘူးပေါ့နော် ..”
“အေးပေါ့ကွယ် ဘယ်တူမလဲ ၊ ဒါနဲ့ ညည်းတို့သားမိ နှစ်ယောက်
ဘူးသီး ရောင်းကပြန် လာ သလား ..”
“ဟုတ်ကဲ့ ..”
“အေးအေး ငမောင်က ပြောပြတယ် ၊ မယ်တင်တို့ သားမိ ဟိုဖက်ရွာက
အမျိုးတွေဆီ ဘူးသီးရောင်းသွားမယ်တဲ့ ၊ ကျုပ်တို့ အိမ်ဖို့လည်း ဘူးသီးနှစ်လုံး ယူလာပေးတယ် ၊
ဒါနဲ့ ကျုပ်လည်း မယ်ဇယ်ဆီကလေးကျန်တာ နဲ့ ဘူးသီးကြော် ကြော်နေတာ ၊
ယူသွားပါအုံး အေ ရော့ အရီးစိန် လည်း စားရအောင် ..”
ပြောရင် ကြီးဒေါ်သန်းက ငှက်ပျောဖတ်ကြီးထဲ ဘူးသီး ကြော် တွေလေး ငါးခု ကောက်ထည့်ပေးသည်။
မတင်က အားနာစွာ ဖြင့်
“အများကြီး ထည့်မပေးပါနဲ့ မမသန်းရယ် ၊ အိမ်က လူမများပါဘူး..”
“ဘယ်နှယ့် မများရမှာလဲ ဖောဖော စားရအောင် ယူသွားမှပေါ့ ..”
“နေပါအုံး အကြော်က အသာထားပါအုံး ၊မမသန်း ကြည့်ရတာ
တစ်ယောက်တည်း အလုပ်များနေပုံပဲ ကျွန်မ လည်း ကူပါ့မယ် ၊
ထားထား လည်း ကြီးဒေါ် ကို ဝိုင်းကူ ..”
မတင်က ပြောပြောဆိုဆို လက်ထဲက ထန်းခေါက်တောင်း လေးချ
မန်းကျည်းပင်အောက်က ထင်းမီးဖို ပတ်လည် ဝိုင်း ဒံအိုး ၊ ဒယ် အိုးတွေ
နဲ့ အလုပ်ရူပ်နေသည့် မမသန်းကို ဝိုင်းကူသည်။
YOU ARE READING
စပါး နဲ့ နွား နဲ့ အညာသား(Completed)
Romance"လမင်း ကြီးကို မြင်တယ်လေ ဟယ်.." "လမင်းကြီးက မလှဘူးလား .." "လမင်းကြီးပါဆို လှတာပေါ့တော် ၊ ၀င်း၀င်းပပကလေးနဲ့ သူ့ကြည့်ရင် မျက်စိကလေးကိုအေးလို့ .." "အေး .. နင် နဲ့တူတယ် .." မြကျော် စကားကြားတော့ ထားထားဦးငြိမ်သက်သွားပြီရင်ထဲ မပြောပြတတ်သော ကြည်နူးမူ့ကလေးတွ...
