စပါး နဲ့ နွား နဲ့ အညာသား
~~~~~~~~~~~~~
(၂၀)
စက်ဘီးကို ရုတ်တရက် ရပ်လိုက်တော့ ကယ်ရီယားခုံပေါ်က ထားထားဦး နဖူး နှင့် မြကျော် ကျောပြင် မိတ်ဆက်သွားရသည်။
အားရပါးရ သူမစကားပြောနေချိန် ခလုတ်တိုက်မိသည်မို့ထားထားဦးက
"ဟဲ့ .. မသာ မြကျော် ဘာဖြစ်လို့ ရပ်လိုက်သလဲ .."
"ရပ် ချင်လို့ ရပ်လိုက်တာဟာ ..နင် .. ဆင်း .."
ဆင်းလို့ ပြောလိုက်သည်နှင့် ထားထားဦးက ဆောင့်ကြီး အောင့်ကြီးဆင်း သည်။
ဆင်းရင်
"အောင်မယ်လေးတော် .. နင် တင် နင်းရတယ်ဆိုပြီ လာဖင်မကျယ်နဲ့။
ငါကလည်း စက်ဘီးသာ မနင်းတတ်တယ်။
ခြေထောက် တော့ ပါ ပါတယ်ဟဲ့ .."
ပြောလျက် သူမ ဘာသာ ခြေလျင် ဆက်လျှောက်ဖို့ပြင်သည်။
ဒါကို မြကျော် မြင်တော့ ပိုဒေါသ ထွက်ပြီ
"ထားထားဦး .. နင် .. စက်ဘီး ပေါ် ပြန်တက်စမ်းမဟုတ်ရင် ငါ နင့်ကို စက်ဘီးနဲ့ လိုက်တိုက်မယ်.."
"မသာ မြကျော် နင်ပဲ စောစောက ဆင်းဆို ၊
ဆင်းဆို လို့ လည်း ဆင်းရသေးရဲ့။
စက်ဘီး နဲ့ တိုက်မယ် လာပြော နေသေးတယ်။နင် ရူးနေသလား .."
"ငါက မရူးဘူး နင်ရူးနေတာ ၊ ဆင်းလို့ ပြောရင်ဆင်း ပြီ မြေကြီးပေါ် ငြိမ်ငြိမ်ကလေးရပ် နေပါ့လား။
ဘာဖြစ်လို့ ခြေရှည်ပြီ လမ်းဆက်လျှောက်သလဲ။
နင်က အရူးမလား .."
"အံ့မယ် နင်ကများ ငါ့ကို အရူးမလို့ လာဆိုနေတယ်အပေါကောင်ရဲ့ ။
ငါ့ ခြေထောက်နဲ့ ငါ လမ်းလျှောက်တာ ဘာဖြစ်သလဲ .."
"အေး စက်ဘီး ပေါ်ပြန်တက်လို့ ငါပြောနေတယ်နော်.."
"မတက်တော့ ဘာဖြစ်သလဲ .."
"အေး ...နင်ပဲ ခြေညောင်းမှာ .."
"ညောင်းပါလေ့ စေ .."
အရွယ်နှင့်မလိုက် သူနဲ့ဆို အမြဲ ကတ်တီးကတ်ဖဲ့။ ဂျစ်ကန်ကန်ထားထားဦးကို မြကျော် စိတ်ရှိတိုင်းဆို
"ဟွင်း .. ထားထားဦး ..နင်တော့ နော် .. ငါ .."
ပြောရင် မြကျော် စိတ်လျော့လိုက်သည်။
YOU ARE READING
စပါး နဲ့ နွား နဲ့ အညာသား(Completed)
Romance"လမင်း ကြီးကို မြင်တယ်လေ ဟယ်.." "လမင်းကြီးက မလှဘူးလား .." "လမင်းကြီးပါဆို လှတာပေါ့တော် ၊ ၀င်း၀င်းပပကလေးနဲ့ သူ့ကြည့်ရင် မျက်စိကလေးကိုအေးလို့ .." "အေး .. နင် နဲ့တူတယ် .." မြကျော် စကားကြားတော့ ထားထားဦးငြိမ်သက်သွားပြီရင်ထဲ မပြောပြတတ်သော ကြည်နူးမူ့ကလေးတွ...
